मध्यरातमा भूकम्प : जाजरकोट जिल्लाको रामीडाँडा केन्द्रबिन्दु, काठमाडौंलगायत देशैभर धक्का महशुस, विस्तृत विवरण आउन बाँकी

Best Khabar Team | २०७९ फाल्गुन २७ गते शनिबार

०३ नोभेम्बर, २०२३
काठमाडौं । आज मध्यरातमा नेपालका अधिकांश जिल्लामा भूकम्पको धक्का महशुस गरिएको छ । राति ११ बजेर ४९ मिनेट जाँदा काठमाडौं उपत्यकालगायत पश्चिम नेपालको धनगढी र भारतका केही भागमा समेत भूकम्पको धक्का महशुस गरिएको स्थानीयहरुले बताएका छन् ।

भूकम्पको धक्का कपिलबस्तुदेखि रामेछापसम्मका जिल्लामा महशुस भएको अहिलेसम्म प्राप्त जानकारीमा उल्लेख छ । भूकम्पको केन्द्रबिन्दु पश्चिम नेपालको जाजरकोट जिल्लाको रामीडाँडा भएको बताइएको छ । यसको विस्तृत विवरण प्राप्त भै सकेको छैन । राष्ट्रिय भूकम्प मापन केन्द्रका प्रमुख लोकविजय अधिकारीका अनुसार भूकम्प ६ दशमलव ४ रेक्टर स्केलको थियो ।

भूकम्पले के कति क्षति भयो भन्ने विषयमा जानकारी प्राप्त भएको छैन । मध्यरातमा भूकम्प गएपछि काठमाडौं उपत्यकालगायतका जिल्लाका स्थानीयहरु घर बाहिर सडकमा निस्केका छन् ।

Comment from facebook