थपिए ३ कोरोना संक्रमित, भोजपुरमा पनि भेटिए नयाँ विरामी

Best Khabar Team | २०२६ पुष १७ गते बिहिबार

२२ अप्रिल, २०२०
काठमाडौं । नेपालमा कोरोना संक्रमितको संख्या ४८ पुगेको छ । आज एकैदिन उदयपुर र भोजपुर र जनकपुरमा ३ जनामा कोरोना देखिएको हो । यी तीन जना थपिएसँगै नेपालमा हालसम्म कोरोनाको संक्रमणमा पर्नेहरुको संख्या ४८ पुगेको छ ।

स्वास्थ्य मन्त्रालयका अनुसार धरानस्थित बीपी कोइराला स्वास्थ्य विज्ञान प्रतिष्ठानमा गरिएको कोरोना टेस्टमा भोजपुरका एक २६ वर्षका युवकमा पोजेटिभ रिजल्ट प्राप्त भएको हो । ती युवक विदेशबाटै आएका थिए वा नेपालमै बस्दै आएका हुन् भन्ने विषयमा केही खुलेको छैन । यसअघि आजै उदृयपुरमा ५५ वर्षकी एक महिलामा पनि कोरोना संक्रमण भएको मन्त्रालयले पुष्टि गरेको छ ।

आजै जनकपुरमा पनि १४ वर्षका एक बालकमा कोरोना संक्रमण पुष्टि भएको थियो । यसैबीच पाटन अस्पतालमा उपचारत २ जना र सुदुरपश्चिमका एक गरी आज तीन जना कोरोना मुक्त भएर अस्पतालबाट घर फर्केका छन् ।