इरान–अमेरिका ‘युद्धको संघारमा’ ! , तोकियो अमेरिकी राष्ट्रपति ट्रम्पको टाउकाको मूल्य

Best Khabar Team | २०७७ जेठ १९ गते सोमबार

०७, जनवरी, २०२०
बग्दाद । इराकको राजधानी बग्दादस्थित अन्र्तराष्ट्रिय विमानस्थलमा रकेट आक्रमण गरी आफ्ना सैन्य कमाण्डरको हत्या गरेपछि अमेरिकासँग इरान क्रुद्द बनेको छ । यो संगै अमेरिका र इराकबीच निकट भविष्यमै युद्द हुनसक्ने भन्दै अन्र्तराष्ट्रिय समुदायले दुबै देशलाई संयमता अपनाउन आग्रह गरेको छ ।

घटनालगत्तै इरानले अमेरिकी आक्रमणलाई कडा शब्दमा भत्र्सना गर्दै त्यसको जवाफमा अमेरिकी राष्ट्रपति डोनाल्ड ट्रम्पको टाउकोको मूल्य ८० मिलियन डलर (लगभग ९ अर्ब रुपैयाँ) तोकेको अन्र्तराष्ट्रिय सञ्चारमाध्यमहरुले जनाएका छन् । यसअघि हिजोमात्रै अमेरिकी राष्ट्रपति ट्रम्पले आफ्ना सैनिकको सुरक्षाको लागि इराकी सैन्य कमाडन्डर कासिम सुलेमानीको हत्या गरिएको स्पष्ट पार्नुभएको थियो । उहाँले इरान विरुद्धको कारबाही जारी रहेको भन्दै भोलिका दिनमा नयाँ नयाँ हतियारबाट आक्रमण गर्ने चेतावनी दिनुभएको थियो ।

इरानले सुलेमानीको अन्त्येष्टि कार्यक्रममा सहभागीहरु र इरानी जनतालाई एक एक डलर जम्मा गर्नका लागि आग्रह गरेको थियो । इराकको राजधानी बग्दादस्थित अमेरिकी दुतावासमा आक्रमण भएसँगै केहीसाता यता इराक–इरान र अमेरिकाबीच सम्बन्द्ध चिसिएको छ । यसअघि इराकी संसदले तत्काल इरकमा रहेका अमेरिकी सेनालाई देश छाड्न चेतावनी दिईसकेको छ भने अमेरिकाले पनि आफ्ना नागरिकलाई तत्काल इराकी भूमि छाडेर सुरक्षित स्थानमा जानका लागि आग्रह गरिसकेको छ ।