काठमाडौंमा ४ सहित थप ३२३ जनामा कोरोना संक्रमण, संक्रमितको संख्या ३२ सय नाघ्यो

Best Khabar Team | २०७७ जेठ २४ गते शनिबार

०६ जुन, २०२०
काठमाडौं । देशभर कोरोना संक्रमितको संख्या ३ हजार २ सय नाघेको छ । स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा दिइएको जानकारी अनुसार पछिल्लो २४ घण्टामा देशका २ दर्जन बढी जिल्लामा थप ३ सय २३ जनामा कोरोना संक्रमण पुष्टि भएको छ ।

पछिल्लो २४ घण्टामा काठमाडौंमा ४ जना र भक्तपुरमा १ जनामा पनि कोरोना संक्रमण देखिएको छ । देशका विभिन्न प्रदेश र काठमाडौं उपत्यकामा रहेका विभिन्न ल्याबमा गरिएको परीक्षणका क्रममा उनीहरुमा कोरोना संक्रमण पुष्टि भएको मन्त्रालयको भनाई छ । पछिल्लो २४ घण्टामा देशका निम्न जिल्लामा निम्न संख्यामा नयाँ संक्रमित फेला परेका छन् ।

दैलेखमा ४७
डोल्पामा १
सुर्खेतमा १०
जाजरकोटमा ४
मोरङमा ६
सुनसरीमा ५
सप्तरीमा ८
नवलपरासीमा ३
बझाङमा ६
बाँकेका १२
बर्दियामा २८
कास्कीमा ३
स्याङ्जामा १०
बागलुङमा १
कञ्चनपुरमा २
अछाममा १
कैलालीमा२
डडेलधुरामा १
सल्यानमा ३८
अर्खाखाँचीमा १
काठमाडौंमा ४
महोत्तरीमा ३५
रौटहटमा ६
सर्लाहीमा २७
नवलपरासीमा २
रुपन्देहीमा ३
भक्तपुरमा १
धनुषामा ८ र
कपिलवस्तुमा ३९ जना ।

मन्त्रालयले दिएको जानकारी अनुसार हालसम्म कोरोनाबाट १३ जनाको मृत्यु भएको छ । पछिल्लो पटक डोल्पमा एक पुरुष र सेती प्रादेशिक अस्पतालमा एक महिलाको मृत्यु भएको छ । यस्तै हालसम्म ३ सय ६५ जना उपचारपछि घर फर्केका छन् ।

भारतबाट नेपाल आउने नेपालीहरुको संख्या बढ्दै गएका कारण कोरोनाको संक्रमण पनि बढेको बताइएको छ । नेपालमा हालसम्म एकैदिन आज देखिएको नयाँ संक्रमितको संख्या हालसम्मकै सबैभन्दा धेरै हो ।