बेलायत, माल्टा र आयरल्याण्डबाट नेपालमा लगाइएको उडान प्रतिबन्ध हट्यो, सशर्त यात्रा गर्न अनुमति (विज्ञप्तिसहित)

Best Khabar Team | २०२६ पुष १७ गते बिहिबार


२८ जनवरी, २०२१
वेस्टह्याम, लण्डन । कोरोना संक्रमण रोक्न भन्दै नेपाल सरकारले यसअघि लगाउँँदै आएको (बेलायत–काठमाडौं) एकतर्फी उडानप्रतिबन्ध आजैबाट लागूहुने हटाउने निर्णय गरेको छ । यो निर्णयसँगै अब बेलायतबाट वा बेलायत हुँदै नेपाल जाने सबै यात्रुहरुले नेपाल प्रवेश गर्न पाउने भएका छन् । तर त्यसका लागि सरकारले निश्चित मापदण्ड भने तय गरेको छ ।

नेपालस्थित बेलायती दुतावासले नेपाल सरकारलाई उद्दृत गर्दै जारी गरेको विज्ञप्ति अनुसार तत्कालका लागि बेलायतबाट नेपालमा हुने सबै उडान प्रतिबन्धहरु हटेको छ । बेलायतका साथै आयारल्याण्ड र युरोपेली मुलुक माल्टाबाट समेत लगाईको उडान प्रतिबन्ध यो आदेशसँगै खुल्ला भएको छ ।

लण्डनस्थित नेपाली राजदूतावासले जारी गरेको विज्ञप्ति ।

तर बेलायत हुँदै नेपाल जाने यात्रुहरुले विमान चढ्न ७२ घण्टाभित्र कोरोनाको पिसिआर चेक गरेको र त्यसमा ‘नेगेटिभ’ रिपोर्ट आएको प्रमाण पेश भने विमानस्थलमा अनिवार्य रुपमा पेश गर्नुपर्नेछ । यस्तै उनीहरु नेपाल पुगेपछि कम्तीमा ५ दिन होटलमा क्वारेन्टाइनमा बस्नुपर्ने व्यवस्था गरिएको छ । यसका लागि विमानस्थलमै यात्रुले काठमाडौंमा ‘अनिवार्य क्वारेन्टाइन’का लागि होटल बुक गरेको प्रमाण देखाउनुपर्नेछ ।

लण्डनस्थित नेपाली दुतावासले आज जारी गरेको विज्ञप्ति अनुसार नेपाल जाने यात्रुहरुले माथिका सबै सर्तलाई अनिवार्य रुपमा पालना गरेको र नेपाल जाने यात्रुले यात्राका सबै विवरण र माथि उल्लेखित गरिएको प्रावधानको प्रतिलिपि दुतावासमा पेश गर्नुपर्ने छ ।

केही समयअघि बेलायतमा कोरोना भाईरसको ‘परिवर्तित स्वरुप’ देखिएको र यो भाइरस निक्कै आक्रमण रहेको भन्दै नेपालसहित अधिकांश युरोपेली देशहरुले अन्यदेशबाट बेलायत हुँदै आउने यात्रु वा बेलायतबाट सिधै आफ्नो देश आउने यात्रुबाहक विमानमाथि तत्कालका लागि प्रतिबन्ध लगाएका छन् । युरोपका अधिकांश देशले यो प्रतिबन्ध जारी राखेपनि नेपालले भने यो निर्णय फुकुवा भएको घोषणा गरेको छ ।

कोरोना भाइरसको दोश्रो लहर अन्र्तगत बेलायतमा अहिले फैलिएको कोरोना भाइरसका कारण संक्रमित तथा नयाँ मृतकको संख्या दैनिक बढ्दै गएको छ । पछिल्लो २४ घण्टायता (बेलायती समय अनुसार बिहीबार साँझ ७ बजेर ३२ मिने जाँदा) बेलायतमा कोरोनाका कारण १ हजार २ सय ३९ जनाले ज्यान गुमाएका छन् भने यस अवधिमा थप २८ हजार ६ सय ८० जनामा कोरोनाको संक्रमण देखिएको कोरोना संक्रमणसम्बन्धी विश्वव्यापी तथ्यांक अद्यावधिक गर्ने ओल्डोमिटर डटकमले आफ्नो अनलाईन संस्करणमा उल्लेख गरेको छ ।



Comment from facebook



थप खबर पढ्नुहोस्
‘नोभाभ्याक्स’ भ्याक्सिन कोरोना विरुद्ध ८९ प्रतिशतभन्दा बढी प्रभावकारी : विज्ञ ‘नोभाभ्याक्स’ भ्याक्सिन कोरोना विरुद्ध ८९ प्रतिशतभन्दा बढी प्रभावकारी : विज्ञ

२०२६ पुष १७ गते बिहिबार

२९ जनवरी, २०२१मेरिल्याण्ड, अमेरिका ।कोरोना भाइरस विरुद्ध निर्माण गरिएको...

भारत बन्यो विश्वको तेश्रो कोरोना प्रभावित मुलुक, एकैदिन भेटिए करिब २४ हजार संक्रमित भारत बन्यो विश्वको तेश्रो कोरोना प्रभावित मुलुक, एकैदिन भेटिए करिब २४ हजार संक्रमित

२०७७ बैशाख २५ गते बिहिबार

०५ जुलाई, २०२०नयाँ दिल्ली । विश्वमा सबैभन्दा बढी कोरोना...

मतिष्कघातले लग्यो काँग्रेस नेता जोशीलाई मतिष्कघातले लग्यो काँग्रेस नेता जोशीलाई

२०२६ पुष १७ गते बिहिबार

२६ मार्च, २०२१काठमाडौं । पूर्वमन्त्री एवं नेपाली काँग्रेसका नेता...

सोमबार थप २४४५ जनामा कोरोना संक्रमण, निको हुनेको संख्या पनि उल्लेख्य सोमबार थप २४४५ जनामा कोरोना संक्रमण, निको हुनेको संख्या पनि उल्लेख्य

२०२६ पुष १७ गते बिहिबार

१९ जुलाई, २०२१काठमाडौं । पछिल्लो २४ घण्टामा देशभर थप...

Top