शुक्रबार मात्रै १४ कोरोना संक्रमित थपिए, नेपालमा संक्रमितको संख्या ३० पुग्यो

Best Khabar Team | २०२६ पुष १७ गते बिहिबार

१७ अप्रिल, २०२०
काठमाडौं । नेपालमा कोरोना संक्रमितको संख्या ३० पुगेको छ । पूर्वी नेपालको उदयपुरमा १२ जना र चितवनमा एकै परिवारका २ जना गरी थप १४ जनामा कोरोना संक्रमण भेटिएको हो । उदयपुरमा भेटिएका १२ जना मध्ये ८ जना भारतीय नागरिक छन् । उनीहरु उदयरपुरस्थित नुरी मस्जिदमा बस्दै आएकाहरु रहेका छन् ।

उनीहरु उदयपुरको त्रियुगा नगरपालिका ३ भुल्केस्थित मस्जिदमा लुकेर बस्दै आइरहेका थिए । सो मस्जिदमा लुकेर बसेका भारतीय नागरिकहरुको सूचनाको आधारमा प्रहरीले छापा मारी उनीहरुलाई आइसोलेसनमा पठाउँदा उनीहरुमा कोरोनाको संक्रमण भेटिएको पुष्टि भएको हो । यस्तै चितवनमा दुई जनामा कोरोना संक्रमण भएको पुष्टि भएपनि उनीहरुको जानकारी बारे प्राप्त भै सकेको छैन ।

स्वास्थ्य मन्त्रालयले यी दुबै स्थानका कोरोना संक्रमितको बारेमा औपचारिक पुष्टि गरेको छ । गत चैत्र ५ गते बेलायतबाट नेपाल आएका उनीहरुमा कोरोनाको संक्रमण पुष्टि भएको हो ।

उनीहरु गत चैत्र ३ गते कतार एयरको विमानमा लण्डनबाट दोहा हुँदै काठमाडौं आएका थिए । चितवनको राप्ती नगरपालिका वडा नम्बर ८ घर भएका संक्रमितहरुमा कोरोनाको संक्रमण भेटिएपनि उनीहरुमा कुनै लक्षण नदेखिएको बताइएको छ । उनीहरु एकै परिवारका आमाछोरा रहेको बताइएको छ । संक्रमित आमाको उमेर ६३ वर्ष र छोराको उमेर २७ वर्ष रहेको बताइएको छ ।

हालै विदेशबाट आएकाहरुको स्वाब परिक्षण गराउने उनीहरुको समेत स्वाब परीक्षण गरिएको थियो । सोही क्रममा उनीहरुमा कोरोना भेटिएको हो ।