महाप्रसाद अधिकारी बने नेपाल राष्ट्र बैंकको १७ औं गभर्नर

Best Khabar Team | २०७७ जेठ २२ गते बिहिबार

०६ मार्च, २०२०
काठमाडौं । नेपाल राष्ट्रबैंकले नयाँ गर्भनर पाएको छ । नेपाल सरकार मन्त्रीपरिषद्को आज बसेको बैठकले लगानी बोर्डका प्रमुख कार्यकारी अधिकृत समेत रहेका महाप्रसाद अधिकारीलाई गभर्नरको रुपमा नियुक्त गर्ने निर्णय गरेको हो । अर्थमन्त्री डा. युवराज खतिवडाको संयोजकत्वमा रहेको सिफारिस समितिले अधिकारीसहित डेपुटी गभर्नर चिन्तामणि सिवाकोटी र डा. राजन खनालको नाम गर्भनरका लागि सिफारिस गरेको भएपनि अधिकारीलाई गभर्नर बनाउने निर्णय मन्त्रीपरिषद्ले गरेको हो ।

यसअघि तत्कालीन सुशील कोइराला नेतृत्वको सरकारका बेलामा उनको नाम डा. चिरञ्जीवि नेपालसँगै गभर्नरमा सिफारिस भएका थिए । त्यतिबेला उनी रामशरण महतको तर्फबाट गर्भनरमा सिफारिस भएका थिए । तत्कालीन अर्थमन्त्री महतले उनलाई गर्भनरको लागि सिफारिस गरेको भएपनि तत्कालीन प्रधानमन्त्री कोइरालाको जोडबलमा नेपाललाई गर्भनर बनाइएको थियो । नवनियुक्त अधिकारीले राष्ट्रबैंकमा खरदार सरहको पदबाट जागिर शुरु गरेका थिए । उनीसँग राष्ट्रबैंकमा लामो समय काम गरेको अनुभव छ ।

उनी नेपाल राष्ट्र बैंकको १७ औं गभर्नर समेत बन्न सफल भएका छन् । उनले भारतको मद्रासबाट चार्डट एकाउन्टसम्मको अध्ययन पुरा गरेका छन् ।