अमेरिकी औषधी विज्ञको दाबी : ‘परिवर्तित कोरोना’का विरुद्ध पनि भ्याक्सिन उपयोगी

Best Khabar Team | २०२६ पुष १७ गते बिहिबार


२५ जनवरी, २०२१
न्यूर्योक, अमेरिका । कोरोना भाइरसका विरुद्ध अमेरिकी कम्पनीले बनाएको फाइजर नामक भ्याक्सिन कोरोनाको परिबर्तित रुपका संक्रमितका लागि समेत प्रभावकारी भएको अमेरिकी औषधी कम्पनीसम्बध बैज्ञानिकहरुले दाबी गरेका छन् । केही समय आघि बेलायत तथा दक्षिण अफ्रिकामा देखिएको कोरोनाको परिवर्तितरुपको भाइरस नियन्त्रणका लागि पनि हालै प्रयोगमा आएको कोरोना भ्याक्सिन प्रभावकारी रहेको ती कम्पनीले जनाएका छन् ।

कोरोनाको परिवर्तित अर्थात् भेरियन्ट स्वरुपलाई नियन्त्रणका लागि पनि यो भ्याक्सिनले सुरुवाती चरणमा प्रभावकारी रुपमा काम गरेको बिबिसीले आफ्नो समाचारमा उल्लेख गरेको छ । हालै अमेरिकी बैज्ञानिकहरुले नयाँ कोरोनाका संक्रमित (बेलायत र दक्षिण अफ्रिकामा देखिएका नयाँ प्रकारको कोरोना संक्रमित) विरामीलाई खोप दिएर गरेको परिक्षणका क्रममा खोपले प्रभावकारी रुपमा काम गरेको बताइएको छ ।

तस्वीर साभार : इन्टरनेट ।

खोपले कोरोना विरुद्ध प्रभावकारी रुपमा लड्नका लागि शुरुवाती अवस्थामा उत्साहजचक रुपमा काम गरेको र अझै परिक्षण जारी रहेकोले यसको रिजल्ट पूर्ण सकारात्मक आउनेमा आफूहरु विश्वस्त रहेको औषधी उत्पादक कम्पनीका बैज्ञानिकहरुको दाबी छ ।

यद्यपि यसको पूर्ण पुष्टिका लागि भने थप अध्ययन र थप समय आवश्यक पर्ने उनीहरुले बताएका छन् । अहिले बजारमा आएको कोरोना भाइरस विरुद्धको भ्याक्सिन कोरोना भाइरसको पहिलो चरणमा देखिएको भाइरसको प्रकृतिलाई लक्षित गरी बनाइएको थियो । तर यसको परिवर्तित रुपपछि यो भाइरसले काम गर्नेमा विज्ञहरुले आशंका गरिरहेकै बेला अमेरिकी बैज्ञानिकहरुको यो भनाई सार्वजनिक भएको हो ।

यसले कोरोना नियन्त्रणका लागि भै रहेको प्रयासमा एउटा बलियो आशा जगाएको छ । अहिले बजारमा आएको भ्याक्सिनले कोरोना संक्रमितको शरिरको प्रतिरक्षा प्रणालीद्वारा निर्मित एन्टीबडीलाई रोकेर भाइसरलाई शरीरका विभिन्न कोशिकाहरु पुग्न नदिन प्रभावकारी रुपमा काम गर्ने विज्ञहरुले बताएका छन् ।



Comment from facebook



थप खबर पढ्नुहोस्
अमेरिकाको ३ वटा मसाज सेन्टरमा गोली चल्यो, ८ जनाको मृत्यु, मृतक अधिकांश एसियन नागरिक अमेरिकाको ३ वटा मसाज सेन्टरमा गोली चल्यो, ८ जनाको मृत्यु, मृतक अधिकांश एसियन नागरिक

२०२६ पुष १७ गते बिहिबार

१७ मार्च, २०२१न्यूर्योक, अमेरिका । अमेरिकाको जर्जिया राज्यमा मंगलबार...

युद्धकालमा मारिएका ५ हजार मान्छेको जिम्मा लिन तयार छु : प्रचण्ड युद्धकालमा मारिएका ५ हजार मान्छेको जिम्मा लिन तयार छु : प्रचण्ड

२०२६ पुष १७ गते बिहिबार

१५ जनवरी, २०२० काठमाडौं । तत्कालीन १० वर्षे सशस्त्र...

युरोपेली मुलुक साइप्रसमा नेपालीले गरे नेपालीको हत्या ((प्रत्यक्षदर्शीको बयानसहित) युरोपेली मुलुक साइप्रसमा नेपालीले गरे नेपालीको हत्या ((प्रत्यक्षदर्शीको बयानसहित)

२०७७ जेठ २३ गते शुक्रबार

०६, मे, २०२०लिंकरोभर, बेल्जियम । युरोपेली मुलुक साइप्रसमा सामान्य...

बिषाक्त च्याउले जाजरकोटमा लियो एकै घरका ४ जनाको ज्यान बिषाक्त च्याउले जाजरकोटमा लियो एकै घरका ४ जनाको ज्यान

२०२६ पुष १७ गते बिहिबार

२९ जुलाई, २०२०खलंगा, जाजरकोट । वर्षातको पानीका कारण जंगलमा...

Top