पोखरामा कोरोना संक्रमण भेटिएको छैन : स्वास्थ्य मन्त्रालय (अपडेट)

Best Khabar Team | २०७६ फाल्गुन २१ गते बुधबार

०३ मार्च, २०२०
काठमाडौं । स्वास्थ्य मन्त्रालयले पोखरामा एक युवकमा कोरोनाको संक्रमण भएको भन्दै आएका समाचारहरुमा सत्यता नभएको स्पष्ट पारेको छ । मन्त्रालयले आज गरेको नियमित पत्रकार सम्मेलनमा हालसम्म पोखरामा कसैमा पनि कोरोनाको संक्रमण पुष्टि भएको रिपोर्ट सार्वजनिक नभएको जनाएको छ । केही सञ्चारमाध्यमले पोखरामा भारतबाट फर्केका एक युवकमा कोरोनाको संक्रमण भएको भन्दै नेपालमा सातौं संक्रमित फेला परेको समाचार सार्वजनिक गरेपछि मन्त्रालयले यसको खण्डन गरेको हो ।

पोखरामा हालै कोरोना संक्रमण जाँच्ने मेसिन जडान गरिएको भएपनि कोही कसैमा पनि अहिलेसम्म कोरोनाको संक्रमण भएको पोखरास्थित स्वास्थ्य विज्ञान प्रतिष्ठानले पुष्टि नगरेको मन्त्रालयले बताएको छ । मन्त्रालयले नेपालमा हालसम्म ६ जनामो कारोना संक्रमण भेटिएको पुष्टि भएको र एकजना उपचारपछि घर फर्किसकेको जनाएको छ ।

(समाचार स्रोतहरुको आधारमा बेस्टखबर डटकमले पनि पोखरामा कोरोना पुष्टि भएको भन्दै समाचार सार्वजनिक गरेको भएपनि स्वास्थ्य मन्त्रालयको यो औपचारिक जानकारी पछि क्षमा याचना सहित सो समाचार हटाइएको जानकारी गराउँदछौं । सम्पादक )