Best Khabar Team | २०२६ पुष १७ गते बिहिबार
२९ मार्च, २०२०
सुनिल तिवारी / न्यूर्योक । अमेरिकाले नेपालमा रहेका आफ्ना नागरिकहरुलाई विमान चार्टर गरेर स्वदेश ल्याउने भएको छ । पछिल्लो समयमा नेपालमा पनि कोरोना भाइरसको संक्रमितको संख्या बढ्न थालेपछि अमेरिका सरकारले आफ्ना नागरिहकरुलाई कतार एयरको विमान चार्टर गरेर अमेरिका ल्याउन लागेको हो ।
यसरी आउने नागरिकहरुलाई प्राथमिकतामा राखेर अमेरिका ल्याउन लागिएको दुतावासले जनाएको छ । जसमा पहिलो नम्बरमा ६५ बर्ष काटेका र स्वास्थ्य समस्यामा परेकाहरु पर्नेछन् । यस्तै दोश्रोमा बालबालिकाहरु र त्यसपछि आउन चाहेका सबै अमेरिकीहरु पर्नेछन् ।
नेपालस्थित अमेरिकी दुतावासका प्रमुख रेन्डी बेरीले एक भिडियो सन्देश जारी गरी देशभरी रहेका र स्वदेश फर्कन चाहेकालाई काठमाडौंमा जम्मा गर्नका लागि दूतावासले नेपाल सरकार र सरोकारवालासँग समन्वय गरिरहेको भन्दै आफू रहेको जिल्ला र क्षेत्रमा रहेका स्थानीय प्रतिनिधिमार्फत् दूतावासको सम्पर्कमा रहनका लागि आग्रह गरेका छन् ।
उनीहरुलाई यही मार्च ३१ तारिकको दिन मंगलबार कतारबाट गएको कतार एयरवेजको विमानले काठमाडौंबाट उद्दार गर्ने छ । देशका विभिन्न भागमा पदयात्राको क्रममा रहेका तथा नेपालका विभिन्न मिसनमा काम गर्ने ती नागरिकहरुलाई तत्कालका लागि अमेरिका ल्याउन लागिएको दूतावास स्रोतले जानकारी दिएको छ । अमेरिका फर्कन चाहने अमेरिकी नागरिकहरु यतिबेला नेपालका विभिन्न क्षेत्रबाट काठमाडौंमा भेला भएका छन् ।
उनीहरुलाई नेपाल पर्यटन बोर्ड, ट्रेकिङ् एजेन्सिज् एसोसिएसन अफ नेपाल, टानलगायतको समन्वयमा विभिन्न जिल्लाबाट प्रहरीको गाडी तथा विमानमा राखेर काठमाडौं ल्याइ पु¥याइएको छ । यसरी उद्दारमा पर्नेहरुमा कतिपय दूतावासका कर्मचारीहरु समेत रहेको दूतावास स्रोतले जानकारी दिएको छ । अमेरिकी सरकारको विदेश मन्त्रालयको चार्टर विमान आगामी मार्च ३१ का दिन दिउँसो १२ बजे काठमाडौंबाट कतारको लागि उड्ने छ ।
२०२६ पुष १७ गते बिहिबार
२९ जुलाई, २०२०खलंगा, जाजरकोट । वर्षातको पानीका कारण जंगलमा...
२०२६ पुष १७ गते बिहिबार
१४ अप्रिल, २०२१रंगुन, म्यानमार । म्यानमारमा गएको फेब्रुअरीदेखि जारी...
२०७६ जेठ २३ गते बिहिबार
०६ जुन, २०१९न्यूयोर्क । छिमेकी मुलुक क्युवाको भ्रमणमा आफ्ना...
२०७६ पुष २० गते आइतबार
०१ मे, २०२०काठमाडौं । रेडियो नेपालमा पहिलो पटक गीत...
Top