नवलपरासी दुर्घटना : ४ को मृत्यु, ८ घाइते

Best Khabar Team | २०७७ मंशिर १७ गते बुधबार

१२ फेब्रुअरी, २०२०
परासी । नबलपरासीमा गएराति लु ४ त २५५६ नम्बरको ट्रयाक्टर दुर्घटनामा ४ जनाको घटनास्थलमै ज्यान गएको छ । जिल्ला प्रहरी कार्यालय परासीले दिएको जानकारी अनुसार स्थानीय बुलिङ्गटार गा.पा. ३ मा आज बिहान १३ जना सवार ट्रयाक्टर अनियन्त्रित भै पल्टिएको थियो ।

सो दुर्घटनामा परी बुलिङटार गाउँपालिका ३ का २२ वर्षका नरबहादुर सुस्लिङ्, सोही ठाउँ बस्ने ५९ वर्षीय यमान सुस्लिङ, बुलिङ्गटार ३ निवासी ४० वर्षका पूर्णबहादुर थापा, २५ वर्षका लिलाबहादुर सारुमगरको ज्यान गएको हो । घाइतेहरुको चितवनको पुरानो मेडिकल कलेजमा उपचार भै रहेको छ ।

घाइतेमध्ये ट्याक्टरका मालिक बलबहादुर झेडी, छालबहादुर सारु मगर, विमलराज सुस्लिङ्ग मगर र ११ वर्षीय सन्दिप सारु मगरको अवस्था गम्भीर रहेको बताइएको छ । अरु ४ घटना घाइतेको अवस्था सामान्य रहेको बताइएको छ । दुर्घटनाग्रस्त ट्रयाक्टरले कच्ची सडकमा गति गुमाउँदा सडकबाट १ सय मिटर तल खसेको बताइएको छ । घटनाको विषयमा प्रहरीले आवश्यक अनुसन्धान अघि बढाएको छ ।