नेपालमा अर्का एक युवकमा कोरोना संक्रमण पुष्टि : संक्रमितको संख्या २ पुग्यो

Best Khabar Team | २०२६ पुष १७ गते बिहिबार

२५ मार्च, २०२०
काठमाडौं । केही साता अघि खाडी मुलुकबाट नेपाल आएका थप एक नेपालीमा कोरोना भाइरस (कोभिड १९) को संक्रमण देखिएको छ । राष्ट्रिय जनस्वास्थ्य प्रयोगशाला टेकुका अनुसार कोरोनासँग मिल्दोजुल्दो लक्षण देखिएपछि उनलाई आइसोलेसनमा राखेर उपचार थालिएको थियो ।

ल्याव परिक्षणका क्रममा गएराति उनमा कोरोनाको संक्रमणको पोजेटिभ रिपोर्ट आएपनि उनमा कोरोना भएको पुष्टि भएको हो । यो सँगै हाल नेपालमा कोरोना संक्रमितको संख्या २ पुगेको छ । गत चैत्र ४ गते कतार एयरवेटबाट फ्रान्सको पेरिस हुँदै नेपाल आएकी एक युवती पनि हाल संक्रममित छिन् । उनको टेकु अस्पतालमा उपचार भै रहेको छ ।

यसअघि थप एकजना नेपाली युवकमा कोरोनाको संक्रमण देखिएपनि उनी उपचारपछि स्वास्थ्य लाभ गरी घर फर्किसकेका छन् । सरकारले कोरोना संक्रमण रोक्न सिँगो देश नै लकडाउन गरेको दोश्रो दिन नेपालमा दोश्रो कोरोना संक्रमित भेटिएका हुन् ।