एनसेलले बुझायो ४ अर्ब ५० करोड कर, अझै १९ अर्ब बुझाउन बाँकी

Best Khabar Team | २०७६ पुष १५ गते मंगलबार

३१ डिसेम्बर, २०१९
काठमाडौं । निजी दुरसञ्चार सेवा प्रदायक एनएलले सरकारलाई बुझाउनुपर्ने लाभकर मध्ये ४ अर्ब ५० करोड रुपैयाँ बुझाएको छ । सरकारले यसअघि १५ दिनको समय दिएर अन्तिम पटकको लागि कर चुक्ताको लागि आग्रह गरेको भएपनि एनसेलले पूरै लाककर तिर्न भने आनाकानी गरिरहेको छ ।

लाभकर, व्याज हर्जनासहित एनसेलमाथि सरकारले २२ अर्ब ६८ करोड रुपैयाँ बुझाउन निर्देशन दिएको थियो, तर उसले आज ठूला करदाता सेवा कार्यालयमा पुगेर ४ अर्ब ५० करोड रुपैयाँ बुझाएको हो भने बाँकी लाभकर बुझाउनका लागि आगामी असार मसान्तसम्मको समय माग गरेको छ ।

यो विषयमा ठूला करदाता सेवा कार्यालय भने केही प्रतिक्रिया जनाएको छैन । विगत लामो समयदेखि लाभकर बुझाउन एनसेलले आनाकानी गरेपछि कर बुझाउनका लागि एनसेललाई चौतर्फी दबाब परेको थियो ।

Comment from facebook