धादिङमा मण्डली दर्शन गरेर फर्केका तिर्थालु चढेको मिनिट्रक दुर्घटना, ६ को घटनास्थलमै मृत्यु, १९ घाइते

Best Khabar Team | २०२६ पुष १७ गते बिहिबार

२१ जनवरी, २०२०
धादिङ्ग । धादिङ्गको प्रसिद्ध मण्डलीमाईको दर्शन गरेर फर्केका तिर्थयात्री चढेको मिनिट्र«क दुर्घटनामा परेको छ । ज्वालामुखी गाउँपालिकामा मण्डलीमाईको दर्शन गरेर फर्कंदै गरेका दर्शनार्थीहरू चढेको ग १ ख १२८० नम्बरको मिनिट्रक निलकण्ठ नगरपालिका वडा नम्बर ८ मैदीभञ्जाङमा दुर्घटनामा परेको हो । सो दुर्घटनामा ६ जनाको घटनास्थलमै ज्यान गएको छ भने अरु केही घाइते भएका छन् ।

जिल्ला प्रहरी कार्यालय धादिङ्गले दिएको जानकारी अनुसार सो घटनामा परी १९ जना घाइते भएका छन् । घाइतेको जिल्ला अस्पतालमा उपचार भै रहेको छ । क्षमताभन्दा बढी यात्रु राखेर गुडेको सो मिनिट्रक दुर्घटनाको कारण खुल्न सकेको छैन । मण्डलीमा हरेक मंगलबार भक्तजनहरुको भीड लाग्ने गर्दछ।

मंगलबारमात्रै पाठीको बली लाग्ने भएकाले जिल्लाका विभिन्न स्थानबाट मेला भर्न मण्डली पुग्ने गर्दछन् । दुर्घटनामा ज्यान गुमाउनेहरुको सनाखत हुन सकेको छैन ।

Comment from facebook