सन् २०३६ सम्मका लागि राष्ट्रपति बन्न पाउने गरी रुसी राष्ट्रपतिको पक्षमा जनमत

Best Khabar Team | २०७७ असार १२ गते शुक्रबार

२६ जुन, २०२०
मस्को, रुस । १६ वर्षदेखि राष्ट्रपति भएर कार्यभार सम्हाल्दै आएका रुसका राष्ट्र भ्लादिमिर पुटिनले आगामी १६ वर्षका लागि अझै सोही पदमै रहेर कार्य सम्पन्न गर्ने गरी जनमत प्राप्त गरेका छन् । रुसमा राष्ट्रपति चयनका लागि भएको चुनावमा आगामी १६ वर्ष अर्थात् दुई कार्यकालका लागि पनि पुटिनकै पक्षमा रसियाली जनताले मतदान गरेका छन् ।

यसको अर्थ अबको १६ वर्ष सम्मपनि रसियामा पुटिनले नै राष्ट्रपतिको रुपमा काम गर्न पाउने गरी जनताले उनको पक्षमा मतदान गरिदिएका छन् । हालै भएको नयाँ संबैधानिक व्यवस्था र केही संशोधनका पक्षमा देखिएको जनमतले ६७ वर्षका पुटिन रसियामा एक लोकप्रिय राष्ट्रपतिको रुपमा रहेको सिद्ध भएको छ ।

यसअघिको व्यवस्था अनुसार आगामी सन् २०२४ मा पुटिनको दोश्रो कार्यकाल सकिँदै थियो । तर अब नयाँ व्यवस्था अनुसार पुटिन २०३६ सालसम्मका लागि रसियाको राष्ट्रपति बन्न सक्ने भएका छन् ।