दुबईबाट आइपुगे १६९ नेपाली, विमानस्थलबाट सिधै ‘होल्डिङ्ग सेन्टर’ पु-याईयो

Best Khabar Team | २०७७ बैशाख २४ गते बुधबार


०५ जुन, २०२०
काठमाडौं । संयुक्त अरव इमिरेट्सको सार्जाबाट नेपालका लागि छुटेका डेढसय बढी नेपालीहरुसहित एयर अरेवियाको विमान चढेर काठमाडौं अवतरण गरेको छ । उनीहरु आज साँझ ६ बजेर १० मिनेट जाँदा काठमाडौंको त्रिभुवन विमानस्थलमा अवतरण गरेका हुन् । विमानस्थलमा प्रारम्भिक स्वास्थ्य परीक्षणपछि उनीहरुलाई राजधानीका विभिन्न स्थानमा बनाइएको ‘होल्डिङ्ग सेन्टर’ पु-याइएको छ । हाल काठमाडौं, ललितपुर र भक्तपुरका करिब १ दर्जन स्थानमा बनाइएका होल्डिङ्ग सेन्टरमा उनीहरुलाई राखिएको छ ।

विमानस्थलबाट नेपाली सेनाले सबैको तथ्यांक लिएर उनीहरुको स्थायी घर अनुसार हरेक प्रदेशका नागरिकका लागि बेग्लाबेग्लै स्थानमा लगिएको हो । देशको सातवटै प्रदेशका नागरिकलाई बस्न मिल्ने गरी काठमाडौंमा क्वारेन्टाइन र होल्डिङ्ग सेन्टर स्थापना गरिएको छ । काठमाडौं आइपुगेकाहरुलाई आजको राती त्यही राखिने र भोलि बिहान सम्बन्धित प्रदेशको क्वारेन्टाइनमा राखिने बताइएको छ । उनीहरुले क्वारेन्टाइनमा कम्तीमा २ साता विताउनुपर्ने हुन्छ ।

तस्वीरहरु : प्रदिप शर्मा । बेस्टखबर डटकम

१ जना बालकसहित १ सय ६९ जना नागरिक र एउटा शव समेत लिएर एयर अरेवियाको विमान दुबईको स्थानीय समय अनुसार बिहान १२ बजे सार्जा विमानस्थलबाट उडेको थियो । सरकारले विदेशमा रहेका र तत्काल नेपाल फर्कन चाहने र बाध्यतामा रहेका नेपालीहरुलाई लक्षित गरी उद्दार कार्य थालेसँगै आज पहिलो पटक विदेशबाट नेपाली नागरिकहरु आउन शुरु गरेका हुन् । यस क्रममा आजै बर्माबाट पनि बिहान २६ जना नेपाली स्वदेश फर्केका थिए ।

यसअघि दुबईबाट १ सय ५७ जना यात्रुसहित विमान नेपाल आएको जानकारी प्राप्त भएपनि नेपाल आउनेको संख्या १ सय ६९ रहेको विमानस्थल स्रोतले जानकारी दिएको छ ।

यो पनि पढ्नुहोला ।



Comment from facebook



थप खबर पढ्नुहोस्
कोरोना संक्रमणबाट ललितपुर र धरानमा थप २ जनाको मृत्यु कोरोना संक्रमणबाट ललितपुर र धरानमा थप २ जनाको मृत्यु

२०७७ असार २४ गते बुधबार

०७ अगस्ट, २०२०काठमाडौं । कोरोना भाइरसको संक्रमणमा परी उपत्यकाको...

प्रेम प्रस्ताव अस्वीकारको बहानामा काठमाडौंमा ‘तेजाव’ आक्रमण भएको खुलासा : दुई पक्राउ प्रेम प्रस्ताव अस्वीकारको बहानामा काठमाडौंमा ‘तेजाव’ आक्रमण भएको खुलासा : दुई पक्राउ

२०२६ पुष १७ गते बिहिबार

२४ जुलाई, २०२०काठमाडौं । काठमाण्डौंको सितापाईलामा हिजो साँझ एक...

कोरोनाबारे भ्रम फैलाउने सञ्चारमाध्यम र सामाजिक सञ्जाल प्रयोगकर्तालाई कडा कारबाही गर्ने सरकारको घोषणा कोरोनाबारे भ्रम फैलाउने सञ्चारमाध्यम र सामाजिक सञ्जाल प्रयोगकर्तालाई कडा कारबाही गर्ने सरकारको घोषणा

२०२६ पुष १७ गते बिहिबार

१८ मार्च, २०२० काठमाडौं । सरकारले विश्वव्यापीरुपमा महामारीको रुपमा...

फेरिँदै नेपालको नक्सा, भारतले हड्पेको भूमिसमेत समावेश गरी नयाँ नक्सा सार्वजनिक गरिँदै फेरिँदै नेपालको नक्सा, भारतले हड्पेको भूमिसमेत समावेश गरी नयाँ नक्सा सार्वजनिक गरिँदै

२०२६ पुष १७ गते बिहिबार

१८ मे, २०२०काठमाडौं । अन्ततः चौतर्फी दबाबपछि नेपाल सरकारले...

Top