‘चल न माया चल’को सफलताले बाह्र वर्षपछि फेरि खोला फर्कियो भन्छन् गायक सुवेदी

Best Khabar Team | २०७६ माघ २९ गते बुधबार


१२ फेब्रुअरी, २०२०
काठमाडौं । नेपालीमा एउटा उखान छ, ‘बाह्र वर्षपछि खोला पनि फर्किन्छ’ भन्ने । मेहनत र कर्मगर्दै जाने हो भने केही समयपछि अवस्य सफलता प्राप्त हुन्छ भन्ने भनाईसँग माथिको उखान मिल्दोजुल्दो छ । यही उखानसँग मेल खाएको छ पर्वतेली गायक कृष्ण समीप सुवेदीको सांगीतिक यात्रा पनि । सफल युवा गायकका रुपमा नेपाली सांगीतिक बजारमा छुट्टै छाप छाड्न सफल सुवेदीले सुन्दा निक्कै रमाइलो लाग्ने, नेपाली मौलिक संस्कृति झल्कने र युवा पुस्ताको मुखैमा झुण्डने खालको गीत बजारमा ल्याएका छन् ।

जुन गीतले १२ वर्षपछि फेरि एकपटक दर्शक तथा स्रोतामाझ उनको नाम पूर्नताजकी गराईदिएको छ । करिब १२ वर्षअघि गायक सुवेदीकै स्वरमा रहेको ‘सिरसिर बतास..’ नामक गीत निक्कै चर्चाको शिखरमा थियो । त्यतिबेला लोक तथा दोहोरी गाउनेहरुको मुखमा झुण्डिएको यो गीत बजारमा आएपछि पनि गायक सुवेदीले अरु थुप्रै गीतहरु बजारमा ल्याए, तर ती सबै गीतहरुले अपेक्षित सफलता पाउन सकेन । उनी भन्छन्– ‘मैले गीतको लय र प्याट्रन चेन्ज गर्ने कोशिष गरेँ, त्यसैले कतिपय गीतमा आंशिक सफलता मात्रै पाएँ । कतिपय गीतहरु राम्ररी चले तर मेरो नाम भने छायाँमै परेको अनुभव गरेँ ।’

गायक सुवेदी

त्यसो त २०५९ सालमा पहिलो पटक उनले ‘पाङ्गको फाँटैमा’ गीत रेकर्ड गराएर नेपालको सांगीतिक क्षेत्रमा विधिवत् रुपमा आफू प्रवेश गरेका थिए । यस्तै २०६२ सालमा उनको ‘देउराली’ नामक लोक पप एल्बम बजारमा समेत आएको थियो । यसका केही गीतहरुले भने उनलाई लोकपप गायकको रुपमा समेत चिनायो । उनी भन्छन्–‘सास्त्रीय संगीत सिक्ने मेरो उत्कट इच्छा मैले यस बीचमा पुरा गरेँ ।’ शास्त्रीय संगीतको सिकाई पछि पनि उनले आफ्नो सांगीतिक कर्ममा निरन्तरता दिइरहे । यसरी विभिन्न आरोह, अवरोह र सिकाईपछि खारिँदै आएका सुवेदीले पछिल्लो पटक सार्वजनिक गरेको ‘चल न माया चल’ नामको गीत छोटो समयमै दर्शक तथा स्रोताको मन मस्तिकमा बस्न सफल भएको छ ।

सार्वजनिक यात्राका क्रममा गाडीमा होस् वा फेसबुक, ट्वीटर, टिकटकजस्ता सामाजिक सञ्जालमा । उनको यो गीतको लयलाई समेटेर अहिलेसम्म हजारौंले टिकटकमा आफ्नो भिडियो बनाईसकेका छन् । जसले गायक सुवेदीको सांगीतिक यात्रालाई ह्वात्तै उचो बनाईदिएको छ । प्रस्तुत ‘चल न माया चल’नामक गीतको लय र म्युजिक भिडियो तथा संगीतको तारतम्य अत्यन्तै राम्रो ढंगले मिलेको छ । जसले गीत सुन्ने र हेर्ने दर्शक स्रोतको संख्या पनि दिन दुगुना र रात चौगुना भने झैं बढ्न थालेको छ ।

भारतीय मोडल ‘दिब्या’ तथा भारत निवासी नेपाली मोडल सुन्दर एस डिएस, जुना सुन्दासलगायतले उनको गीतमा टिकटक बनाएपछि गित थप भाईरल बनेको छ । सन्तोष राजबाहकको निर्देशन रहेको ‘चल न माया चलको गीत’ गीतको भिडियो ज्ञानेन्द्र शर्माको छायांकन र टेकेन्द्र शाहको सम्पादनमा बजारमा आएको हो । गीतमा गायक सुवेदीलाई गायिका कृष्णा खनालले साथ दिएकी छन् । त्यसो त सुवेदी पेशाले एक कुशल सञ्चारकर्मी समेत हुन् ।

नेपालको सांगीतिक क्षेत्रमा कुशल सर्जकको परिचय समेत बोकेका सफल गायक सुवेदीको पछिल्लो समयमा चर्चामा आएको ‘चल न माया चल’ नामक गीतको यो भिडियो उनकै युट्व च्यानलबाट साभार गरिएको हो ।



Comment from facebook



थप खबर पढ्नुहोस्
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

२०८२ बैशाख १५ गते सोमबार

२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...

कोरोना संक्रमितलाई अन्यत्र रिफर नगर्न र कम्तीमा २० प्रतिशत बेड  संक्रमितको लागि छुट्ट्याउन निजी अस्पतालहरुलाई सरकारको निर्देशन कोरोना संक्रमितलाई अन्यत्र रिफर नगर्न र कम्तीमा २० प्रतिशत बेड संक्रमितको लागि छुट्ट्याउन निजी अस्पतालहरुलाई सरकारको निर्देशन

२०७७ श्रावण ३० गते शुक्रबार

१४ अगस्ट, २०२०काठमाडौं । सरकारले आफ्ना अस्पतालहरुमा उपचारका क्रममा...

लकडाउनमा घर फर्केका २४ मजदुरको ट्रक दुर्घटनामा मृत्यु, १५ गम्भीर घाइते लकडाउनमा घर फर्केका २४ मजदुरको ट्रक दुर्घटनामा मृत्यु, १५ गम्भीर घाइते

२०७७ जेठ ३ गते शनिबार

१६ मे, २०२०नयाँदिल्ली । लकडाउनकै बीच घर फर्कन लागेका...

हराईरहेको इन्डोनेसियाली जहाज समुद्रमा ‘दुर्घटनाग्रस्त’ ! हराईरहेको इन्डोनेसियाली जहाज समुद्रमा ‘दुर्घटनाग्रस्त’ !

२०७७ पुष २५ गते शनिबार

०९ जनवरी, २०२१जाकर्ता । इन्डोनेसियाको जाकर्ताबाट ६२ जना यात्रु...

गंगाजमुना गाउँपालिकाको गज्जबको काम : विदेशबाट आउनेको नाम, ठेगाना र मोबाइल नम्बर सार्वजनिक, कोरोना सचेतनामा गाउँपालिका एककदम अगाडि गंगाजमुना गाउँपालिकाको गज्जबको काम : विदेशबाट आउनेको नाम, ठेगाना र मोबाइल नम्बर सार्वजनिक, कोरोना सचेतनामा गाउँपालिका एककदम अगाडि

२०७६ चैत्र १७ गते सोमबार

३० मार्च, २०२० धादिङ्गबेसी । धादिङ्गको गंगाजमुना गाउँपालिकाले पछिल्लो...

Top