‘हिमाल पारीको जिल्ला’ मनाङ्मा भेटिए पहिलो कोरोना संक्रमित

Best Khabar Team | २०२६ पुष १७ गते बिहिबार

१८ जुन, २०२०
चामे, मनाङ् । हिमाल पारीको जिल्लाको रुपमा चिनिने गण्डकी प्रदेश अन्र्तगतको मनाङ्ग जिल्लामा आज पहिलो पटक कोरोना संक्रममित भेटिएका छन् । गण्डकी प्रदेश अन्र्तगतको सामाजिक विकास मन्त्रालयले दिएको जानकारी अनुसार मनाङको चामे गाउँपालिकामा कार्यरत कपिलबस्तु स्थायी घर भएका एक कर्मचारीमा कोरोना संक्रमण देखिएको हो ।

उनी मनाङ्को चामे गाउँपालिकामा कार्यरत कर्मचारी भएको बताइएको छ । यसअघि मनाङ्गमा अहिलेसम्म कोरोना संक्रमण देखिएको थिएन । संक्रमित ५७ वर्षका ती व्यक्तिमा कोरोना संक्रमण पुष्टि भएपनि उनलाई जिल्ला अस्पतालले बनाएको आइसोलेसन वार्डमा राखेर उपचार थालिएको छ । यस्तै उनको सम्पर्कमा रहेका गाउँपालिकाका कर्मचारी र सेवाग्राहीहरुको पनि स्वाब परीक्षण थालिएको बताइएको छ ।

संक्रमित ५७ वर्षीय व्यक्ति कपिलवस्तुको बाणगंगा नगरपालिका १४ का स्थायी बासिन्दा भएर हाल मनाङ्गमा कार्यरत रहेका थिए । मन्त्रालयले दिएको जानकारी अनुसार प्रदेश अन्र्तगतका थप केही जिल्लामा पनि कोरोना संक्रमित थपिएका छन् । जुन निम्न अनुसार हेको छ ।