Best Khabar Team | २०७७ जेठ २३ गते शुक्रबार
०५ जुन, २०२०
घोराही, दाङ्ग । त्यसो त सामान्य अर्थमा सोच्दा एम्बुलेन्स भनेको बिरामीको उपचारका लागि प्रयोग गरिने आकस्मिक सेवाको सवारी साधन हो । विरामी वा दुर्घटनामा घाइते भएकाहरुलाई छिटो भन्दा छिटो उपचारका लागि अस्पताल वा स्वास्थ्य संस्थामा पु-याउने सवारी साधनको रुपमा एम्बुलेन्सलाई लिने गरिन्छ । तर यहाँ देशका चर्चित उद्योगी व्यवसायीहरुको छाता संगठनले सञ्चालनमा ल्याएको एम्बुलेन्सले गैरकानुनी र कानुद्वारा बर्जित काम गरिरहेका छन् । जनतको सेवा गर्नका लागि भन्दै सरकारले एम्बुलेन्सको आयकर समेत छुट गर्ने गरेको भएपनि यहाँको एक एम्बुलेन्सले भने सरकारले प्रतिबन्ध लगाएको लागूऔषध ओसार पसार गर्ने गरेको तथ्य खुलेको छ ।

जिल्ला प्रहरी कार्यालयले दिएको जानकारी अनुसार उद्योग वाणिज्य संघ तुलसीपुले सञ्चालनमा ल्याएको एउटा एम्बुलेन्सबाट कानुनद्वारा बर्जित अबैध लागूऔषध ब्राउन सुगर समेत प्रहरीले आज ३ जनालाई पक्राउ गरेको छ । प्रहरीले दिएको जानकारी अनुसार रा१च ३८९ नम्बरको एम्बुलेन्समा राखेर तस्करी गरिँदै गरेको अवस्थामा अबैध लागूऔषध, एम्बुलेन्सका चालकसहित ३ जनालाई प्रहरीले नियन्त्रणमा लिएको हो । कोहलपुरबाट तुल्सीपुर आउँदै गरेको सो एम्बुलेन्सले अबैध लागूऔषध बोकेको जानकारी प्राप्त भएपछि प्रहरीले तुलसीपुरको दमारगाउँबाट सो एम्बुलेन्सलाई नियन्त्रणमा लिएर खानतलासी लिएको थियो ।
कोहलपुरबाट नक्कली विरामी र ब्राउनसुगर लिएर तुलसीपुर आउँदै गर्दा पक्राउ पर्नेमा जिल्लाको दंगीशरण गाउँपालिका वडा नम्बर ६का एम्बुलेन्स चालक तिलक विश्वकर्मासहित घोराहीका शंकर पुन र तुलसीपुरकी दिपा थापा रहेकी छिन् ।
प्रहरीले उनीहरुको साथबाट १६ ग्राम ४५० मिलिग्राम ब्राउनसुगर समातेको छ । प्रहरीले एम्बुलेन्ससहित तीनैजनालाई नियन्त्रणमा लिएर जिल्ला प्रहरी कार्यालय बुझाएको छ । जिल्ला प्रहरी कार्यालयले अनुसन्धानका लागि उनीहरुलाई नियन्त्रणमा लिएको जनाएको छ ।

स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
काठमाडौं गोंगबुमा तरकारी बेच्थिन् कोरोनाबाट ज्यान गुमाउने सिन्धुपाल्चोककी महिला
२०७७ जेठ ३ गते शनिबार
१६ मे, २०२०काठमाडौं । काभ्रेको धुलिखेल अस्पतालमा बिहीबार राती...
नेपालले मे १५ सम्म सबै आन्तरिक तथा बाह्य उडानमा रोक लगायो
२०७७ बैशाख १३ गते शनिबार
२५ अप्रिल, २०२०काठमाडौं । सरकारले आगामी जेठ २ गते...
पछिल्लो २४ घण्टाको कोरोना तथ्यांक : २९०९ जना नयाँ संक्रमित थपिए, १८ को मृत्य, ४५ सय बढी कोरोना मुक्त
२०७७ कार्तिक २१ गते शुक्रबार
०६ नोभेम्बर, २०२०काठमाडौं । पछिल्लो २४ घण्टामा देशका विभिन्न...
हिन्दु धर्म, जनै पूर्णिमा र यसको धार्मिक महत्व
२०७७ श्रावण १९ गते सोमबार
निलकण्ठ महारुपपृष्ठभूमिनेपालमा संविधानतः मुलुक अहिले धर्म निरपेक्ष राष्ट्र भएको...
Top