स्वीटजरल्याण्डले पठाएको ३० हजार थान पीसीआरसहितका स्वास्थ्य सामग्री नेपाल पुग्यो

Best Khabar Team | २०७७ बैशाख २५ गते बिहिबार

०७ मे, २०२०
जेनेभा । स्वीट्जरल्याण्ड सरकारले नेपाल सरकारमार्फत नेपाली जनतामा कोरोना परीक्षणका लागि पठाएको पीसीआर टेस्ट कीट आज काठमाडौं पुगेको छ । हिजो जेनेभाबाट स्वास्थ्य सामग्री लिएर उडेको नेपाल बायुसेवा निगमको विमानले आज पु-याएको सो किट लिन स्वास्थमन्त्री भानुभक्त ढकाल नै विमानस्थलमा पुगेका थिए ।

स्वीटजरल्याण्ड सरकारको विकास सहयोग एसडीडीमार्फत हस्तान्तर गरिएको स्वास्थ्य सामाग्रीमा ३० हजार थान पीसीआर टेस्ट किटसहितका अन्य कोरोना परीक्षणसम्बन्धी विभिन्न किसिमका स्वास्थ्य सामाग्रीहरु रहेको बताइएको छ । नेपाल विमानस्थलको वाईड बढी विमानले बोकेर लगेको सो सामग्री काठमाडौंको त्रिभुवन विमानस्थलमा नेपालस्थित स्वीटजरल्याण्डकी राजदूत एलिजाबेथ भोन क्यापलरले स्वास्थ्यमन्त्री भानुभक्त ढकाललाई हस्तान्तरण गरेकी हुन् ।

यसअघि पनि स्वीट्जरल्याण्ड सरकारले नेपाल सरकारलाई पीसीआर सेट, इन्फ्रारेड थर्मोमिटर, एन ९५ माक्सलगायतका स्वास्थ्य सामग्री हस्तारन्तर गरिसकेको छ । भोलिका दिनमा आवश्यक परे अन्य सामग्री समेत हस्तान्तरण गरिने स्वीटजरल्याण्ड सरकारको भनाई रहेको छ ।

Comment from facebook