Best Khabar Team | २०७६ पुष १६ गते बुधबार
०१ जनवरी, २०२०
भरतपुर । अज्ञात समूहले गएराति चितवनमा निजी मोबाइल सेवा प्रदायक एनसेलको टावरमा आगजनी गरेको छ । गएराति १० बजेतिरको समयमा जिल्लाको कालिका नगरपालिकाको मिलनबजारमा रहेको एनसेलको टावरमा आगजनी भएको हो । रातिको समयमा आगजनी गरिएकोले कसले र किन सो टावरमा आगजनी ग-यो भन्ने खुल्न सकेको छैन ।
लाभकर तिर्न आनाकानी गर्दै आएको एनसेलका टावरमाथि यसअघि देशका विभिन्न स्थानमा विप्लव माओवादीका कार्यकर्ताले आगजनी गर्ने गरेको भएपनि यसपटक भने घटना कसले गरायो खुल्न सकेको छैन ।
घटनालगत्तै जुटपानीबाट प्रहरीको टोली घटनास्थलमा पुगेको भएपनि टावर पूर्णरुपमा जलेर नष्ट भएको छ । घटनास्थल प्रहरी पुगेपनि आक्रमणकारीको बारेमा कुनै जानकारी पत्ता लागेको छैन । स्मरणीय के छ भने हिजोमात्रै सरकारलाई एनसेलले लाभकर बापतको केही रकम तिरेपनि अझै १९ अर्ब रुपैयाँ बक्यौदा बाँकी छ । घटनास्थल पूर्व माओवादी लडाकू शिविर चितवनको शक्तिखोर नजिकै पर्दछ ।
२०७७ मंशिर १७ गते बुधबार
१२ फेब्रुअरी, २०२० चौतरा । सिन्धुपाल्चोकको जुगल गाउँपालिकामा देखिएको...
२०२६ पुष १७ गते बिहिबार
१७ अगस्ट, २०२०काठमाडौं । कोरोना भाइरसको संक्रमण रोक्न गरिएको...
२०२६ पुष १७ गते बिहिबार
२९ मार्च, २०२० काठमाडौं । सरकारले कोरोना भाइरसको संक्रमणबाट...
२०७७ बैशाख १९ गते शुक्रबार
०५ जनवरी, २०२० काठमाडौं । मुलुकको सबैभन्दा ठूलो र...
Top