आइपुग्यो चीनबाट कोरोना नियन्त्रणसम्बन्धी विशेष स्वास्थ्य सामग्री

Best Khabar Team | २०२६ पुष १७ गते बिहिबार

२९ मार्च, २०२०
काठमाडौं । सरकारले चीनबाट चार्टर विमानमार्फत कोरोना नियन्त्रणका लागि विशेष स्वास्थ्य सामग्री नेपाल ल्याएको छ । राष्ट्रिय ध्वजाबहाक नेपाल बायुसेवा निगमको विमानबाट आज बिहान कोरोना नियन्त्रणका लागि आवश्यक विभिन्न खाले मेडिकल सामग्री काठमाडौं ल्याइएको हो ।

सो मेडिकल सामग्री देशका सबै प्रदेशमा पठाइने स्वास्थ्य मन्त्रालयले जनाएको छ । सो सामग्री चीनको ग्वाङजाओबाट सरकारले खरिद गरी विमान चार्टर गरी काठमाडौं ल्याएको हो । नेपाल बायुसेवा निगमको वाईड बडी विमानमार्फत् ल्याइएको स्वास्थ्य सामग्रीमा कोरोना परीक्षणमा प्रयोग हुने किट, विभिन्न खाले औषधी, पिपिई, माक्सलगायत लगभग १३ हजार किलोग्राम स्वास्थ्य सामग्री रहेका छन् ।

चीनबाट आएको स्वास्थ्य सामग्री रुजु गर्न विमानस्थल पुगेको स्वास्थ्यमन्त्री भानुभक्त ढकाललगायतको टोली ।

स्वास्थ्य मन्त्रालयले दिएको जानकारी अनुसार एयर लिफ्टमार्फत ल्याइएको सामग्रीमा एक लाख पिपीई, ५० हजार कोभिड परीक्षण किट तथा व्यक्तिगत सुरक्षा उपकरण तथा केही औषधीहरु समेत रहेका छन् । नेपाल ल्याइएको सामग्री अब देशको सबै जिल्ला र क्षेत्रमा पुग्नेगरी सम्बन्धी प्रदेशमार्फत् वितरण गरिने जनाइएको छ ।

यो पनि पढ्नुहोस् ।