नेपालमा बुधबार हालसम्मकै सबैभन्दा धेरै १२९ जना संक्रमित भेटिए

Best Khabar Team | २०२६ पुष १७ गते बिहिबार

२७ मे, २०२०
पोखरा । देशभर कोरोना भाइरस (कोभिड १९) बाट संक्रमित हुनेको संख्या ९ सय नाघेको छ । स्वास्थ्य तथा जनसंख्या मन्त्रालयले दिएको जानकारी अनुसार आज एकैदिन देशका विभिन्न जिल्लामा थप १ सय २९ जनामा कोरोना संक्रमण देखिएको हो । योसँगै देशभर कोरोनाबाट संक्रमित हुनेको संख्या ९ सय १ पुगको छ ।

मन्त्रालयले दिएको जानकारी अनुसार आज झापा, रौतहट, बाग्लुङ्ग, बारा, मकवानपुर, धनुषालगायतका जिल्लामा थप संक्रमित फेला परेका छन् । सप्तरीमा आज ११ जनामा कोरोना संक्रमण देखिएको छ भने रौतहटका ७ र बाराका ८ जनामा कोरोना संक्रमण देखिएको छ । यस्तै बाग्लुङ्गका ८ जना युवकमा कोरोना संक्रमण देखिएको छ । यता रुकुम पूर्वका ३, दाङका १५ र बाँकेमा १६ जनामा कोरोना संक्रमण देखिएको मन्त्रालयले जनाएको छ । यस्तै सुर्खेतको वीरेन्द्रनगर नगरपालिका ७ पुरुष र ३ महिलामा पनि कोरोना देखिएको छ ।

बझाङ्गका ५५ वर्षीय पुरुषमा पनि कोरोना संक्रमण देखिएको छ । यसअघि आजै बिहान देशका विभिन्न स्थानमा करिब ४० जनामा कोरोना संक्रमण पुष्टि भएको थियो । हालसम्म देशभर ८ सय ५ जना पुरुष र ९६ जन महिलामा कोरोना संक्रमण देखिएको छ भने १ सय ९५ जना उपचारपछि घर फर्केका छन् । ४ जनाको हालसम्म कोरोनाकै कारण ज्यान गएको छ ।

Comment from facebook