टेक्सासको चर्चमा प्रार्थना चलिरहँदा बन्दुक आक्रमण, २ मारिए (भिडियोसहित)

Best Khabar Team | २०७६ पुष १४ गते सोमबार

३० डिसेम्बर, २०१९
टेक्सास । अमेरिकाको टेक्सासमा क्रिश्चियन धर्मावलम्बीहरु भेला भै प्राथना गरिरहेका बेला एउटा चर्चभित्र बन्दुधकारीहरुले आक्रमण गरेका छन् । सो आक्रमणमा परी दुई जनाको ज्यान गएको छ भने केही घाइते भएका छन् ।

स्थानीय समय अनुसार आइतबार बिहान भएको प्राथना सभामा २ जना बन्दुकधारीहरु एक्कासी चर्चमा प्रवेश गरी प्राथना सभामा रहेकाहरुमाथि गोली चलाएका थिए । टेक्सास राज्यको
ह्वाइट सेटलमेन्टको चर्च अफ क्रिस्टमा बन्धुककारीहरुले गोली प्रहार गर्न थालेपछि त्यहाँभित्र रहेका सुरक्षा अधिकारीले जवाफी कारबाही गरेका थिए ।

घटनामा संलग्न एक आक्रमणकारी समेत मारिएका छन् भने आक्रमणकारीले गोली हानी घाइते भएका एकजना प्राथनार्थीको पनि उपचारको क्रममा ज्यान गएको छ । प्राथना सभाको प्रत्यक्ष प्रशारण युट्युवमा भैरहेका बेला आक्रमणकारीहरु प्रवेश गरेको भिडियोहरुमा स्पष्टै देख्न सकिन्छ । घाइते ४ जनाको स्थानीय अस्पतालमा उपचार भै रहेको छ ।

घटनालगत्तै प्रहरीले घटनामा संलग्न व्यक्ति र समूहको खोजी तीव्र बनाएको छ ।

Comment from facebook