Best Khabar Team | २०२६ पुष १७ गते बिहिबार

---

२५ डिसेम्बर, २०१९
काठमाडौं । नेपाली पप तथा आधुनिक गीतको क्षेत्रमा चर्चित गायकका रुपमा आफूलाई स्थापित गराउन सफल रामकृष्ण ढकालको बैवाहिक जीवन भने असफलसावित भएको छ । गायक ढकाल र उनकी श्रीमती निमल ढकालबीच आज औपचारिक रुपमै सम्बन्ध विच्छेद भएको हो ।

उनीहरुले केहीवर्षअघि प्रेम विवाह गरेका थिए । पछिल्लो समय उनीहरुबीच मतभेद बढ्दै गएपछि सम्बन्ध विच्छेदको बाटो रोज्नुपरेको हो । रामकृष्णकी श्रीमती निलमले जिल्ला अदालत काठमाडौंमा दिएको निवेदन अनुसार अंश नलिने गरी रामकृष्ण र निमलबीचको सम्बन्धमा आजदेखि पूर्णविराम लागेको हो ।

यद्यपि छोरी भने निलमले पालनपोषण गर्ने सहमती भएको छ । जिल्ला अदालत न्यायाधीश विदुर कोइरालाको इजलासले ढकाल दम्पत्तिबीचको सम्बन्धविच्छेद्को मुद्दा टुंगोमा पु-याएको हो ।

हिजोमात्रै निमलले जिल्ला अदालतमा सम्बन्ध विच्छेदको लागि निवेदन दिएकी थिइन् । पछिल्लो समयमा कलाकारहरुबीच सम्बन्ध विच्छेद्को घटना बढ्दै गएको छ ।

---

Comment from facebook