चन्द माओवादीलाई आर्थिक तथा अन्य सहयोग गर्नेलाई कारबाही गर्ने सरकारको चेतावनी (विज्ञप्तिसहित)

Best Khabar Team | २०७५ चैत्र १० गते आइतबार

२४ मार्च, २०१८
काठमाडौं । सरकारले नेत्रविक्रम चन्द नेतृत्वको माओवादीका गतिविधि आतंकारी भएको भन्दै उसलाई आर्थिक तथा अन्य कुनैपनि सहयोग नगर्न सर्वसाधारणलाई अपिल गरेको छ । सो समूहले कोही कसैसँग चन्दा मागे तथा जर्वजस्ती गरेमा तत्काल नजिकको प्रहरी कार्यालय वा स्थानीय प्रशासनलाई खबर गर्न सरकारले सर्वसाधारणलाई आग्रह गरेको छ ।

नेपाल सरकार गृहमन्त्रालयले आज एक विज्ञप्ति निकालेर चन्द समूहलाई कोही कसैले चन्दा दिई आर्थिक तथा अन्य कुनै भौतिक सहयोग गरे सहयोग गर्नेलाई समेत कानुनी कारबाही गर्ने चेतावनी दिएको छ ।

सरकारले चन्द माओवादीको गतिविधिमाथि पूर्णरुपमा प्रतिबन्ध लगाएको केही साता वित्न नपाउँदै गृहमन्त्रालयले आज एक विज्ञप्ति जारी गरी चन्द माओवादीका गतिविधिलाई नियन्त्रण गरी सम्बृद्ध नेपाल तथा सुखी नेपालीको परिकल्पना सफल गर्न सबैसँग सहयोग समेत मागेको छ ।

Comment from facebook