बलात्कार काण्ड : पूर्वसभामुख महरा अझै एक महिना थुनामै रहने

Best Khabar Team | २०७६ पुष ३ गते बिहिबार

१९ डिसेम्बर, २०१९
काठमाडौं । संसद सचिवालयकी महिला कर्मचारीमाथि बलात्कारको प्रयास गरेको आरोपमा थुनामा रहेका पूर्वसभामुख कृष्णबहादुर महरालाई अझै एक महिना थुनामै राखेर मुद्दाको सुनुवाई गर्न उच्च अदालत पाटनले आदेश दिएको छ ।

अदालतको यो आदेश सँगै महरा थप एक महिना जेलमै रहने भएका छन् । जिल्ला अदालत काठमाण्डौैंंले गत कार्तिक १८ गते दिएको आदेशलाई उच्च अदालत पाटनले सदर गर्दै महरालाई थुनामै राखेर मुद्दाको सुनुवाई गर्न आदेश दिएको हो ।

पाटन अदालतका मुख्य न्यायधीश नहकुल सुवेदी र न्यायाधीश टेकबहादुर कुँवरको इजलासले आज यस्तो आदेश दिएको हो । महरा सभामुख रहेकै बेला गत असोजअसोज १७ गते राति संसद सचिवालयमा कार्यरत महिला कर्मचरी रोशनी शाक्यमाथि बलात्कारको प्रयास गरेको भन्दै रोशनीले प्रहरीमा उजुरी दिएको थियो ।

घटनाको २ दिनपछि महरा पक्राउ परेका थिए । महरा हाल डिल्लीबजारस्थित सदरखोरमा थुनामा छन् ।

Comment from facebook