डिसेम्बर २६ मा लाग्ने सूर्यग्रहणको अवधि २ घण्टा ४९ मिनेट रहने

Best Khabar Team | २०७६ पुष ३ गते बिहिबार

१९ डिसेम्बर, २०१९
काठमाडौं । आगमी डिसेम्बर अर्थात् पुस १० गते खण्डग्रास सूर्यग्रहण लाग्दैछ । नेपाली समय अनुसार विहान ८ बजेर ४२ मिनेटदेखि ११ बजेर २१ मिनेटसम्म सूर्यग्रहण लाग्ने ज्योतिषहरुले बताएका छन् ।

विहानको समयमा सूर्यग्रहण हुँदा यसको असर धेरै रहने बताइएको छ । सूर्य ग्रहणमा चन्द्रमा अस्त हुन्छ नै त्यसमाथि यतिबेला बुध, वृहस्पति र शनि पनि अस्त रहेको अवस्थामा रहेकोले असर थप बढी हुनेछ ।

यसपटक सूर्यग्रहणका बेला सूर्य, चन्द्र, बुध, बृहस्पति, शनि र केतु धनु राशिमा एकसाथ रहने हुनाले पनि केही अप्रत्यासित घटनाक्रम बढाउनसक्ने, रोगको संक्रमण बढ्नसक्ने लगायतका विपरित फलको हुने ज्योतिषहरुले पूर्वानुमान गरेका छन् । यो ग्रहण नांगो आँखाले हेर्न नहुने पनि ज्योतिषहरुले बताएका छन् ।