नेपाल भ्रमणवर्ष २०२० : फोबर्स पत्रिकाले राख्यो नेपाललाई २ विधामा उत्कृष्ट देशको सूचीमा

Best Khabar Team | २०२६ पुष १७ गते बिहिबार

१७ डिसेम्बर, २०१९
काठमाडौं । मुलुकमा २० लाख पर्यटक भित्र्या-उने लक्ष्यसहित सरकारी तथा निजी तबरबाट विभिन्न कार्यक्रमहरु भैरहेका बेला एउटा सुखद खबर सार्वजनिक भएको छ । अमेरिकामा मुख्य कार्यालय रहेको फोब्र्स पत्रिकाले नेपाललाई विश्वका घुम्नलायक उत्कृष्ट देशको सूचीमा दर्ज गरेको हो ।

त्यो पनि पहिलो देशको रुपमा नेपालको नाम राख्नु पक्कै पनि सकारात्मक विषय हो । पत्रिकाले नेपाल पछि इक्वेडर, न्यूज्यालेन्ड, पेरु, आलस्का, ब्राजिल, मोरोक्को, चीन, फिनल्यान्ड र केन्यालाई क्रमश दोश्रो, तेश्रो हुँदै दशौं नम्बरसम्ममा राखेको छ । यस्तै पत्रिकाले नेपाललाई उत्कृष्ट सहासिक पर्यटन गर्ने देशको सूचीमा समेत राखेको छ ।

सन् २०२० को उत्कृष्ट भ्रमणयोग्य देश तथा साहसिक पर्यटनको मुलुकको रुपमा नेपाललाई राखेको पत्रिकाले आफ्नो अनलाईन संस्करणमा उल्लेख गरेको छ । सगमाथा, हात्ति सफारी, बाघ तथा सूर्ययास्तलगायतका विषयलाई प्राथमिकतामा राख्दै नेपाल घुम्नका लागि विश्व समुदायलाई प्रेरित गरेको छ ।

चितवनको थारुरुकल्चरदेखि सगरमाथा वेशक्याम्पसम्मको यात्रा अत्यन्तै रोमाञ्चक हुने पत्रिकामा उल्लेख छ ।