Best Khabar Team | २०२६ पुष १७ गते बिहिबार

---

१३ डिसेम्बर, २०१९
काठमाडौं । अमेरिका, क्यानडा,युरोपलगायतका देशमा नेपालबाट शरणार्थी बनेर स्थायी बसोबासका लागि अनुमति दिने क्रम बढी रहेका बेला विश्वका विभिन्न देशका नागरिकले नेपालमा शरणार्थी बनेर बस्ने गरेको तथ्य सार्वजनिक भएको छ । शरणार्थी सम्बन्धी अन्र्तराष्ट्रिय संस्था राष्ट्रसंघीय शरणार्थी उच्चआयो (युएनएचसीआर)का अनुसार नेपालमा विभिन्न ९ वटा मुलुकका नागरिकहरुले शरणार्थीको रुपमा बस्दै आएका छन् ।

यसरी शरणार्थीका रुपमा आश्रय लिने विदेशी नागरिकहरुको संख्या करिब १ हजारको हाराहारीमा रहेको आयोगको भनाई छ । उच्चायोगले पाकिस्तान, अफगानिस्तान, म्यानमार, श्रीलंका, इराक, इरान, सोमालिया, बंगलादेश र कंगोका नागरिकहरुलाई शरणार्थीका रुपमा मान्यता दिइएको छ । कतिपयलाई शरणार्थीको रुपमा मान्यता दिने काम जारी रहेको भन्दै उनीहरुको बास्तविक अवस्थाको बारेमा छानबिन भैरहको जनाइएको छ ।

उच्चायोगले ६ सय ४२ जनालाई शरणार्थी प्रमाणित गरीपरिचयपत्रसमेत दिएको जनाएको छ । जसमा म्यानमारका रोहिंग्या मात्रै ३ सय ५० जना छन् । रोहिंग्या शरणार्थीका रुपमा नेपालमा आश्रय लिनेहरुले काभ्रेको कुसादेवीमा अस्थायी टहरा बनाएर बसेका छन् ।

नेपालमा विगतदेखि नै शरणार्थीका रुपमा बस्दै आएका भुटानी तथा तिब्बती शरणार्थीहरुको तथ्यांकलाई भने यसमा समावेश नगराइएको उच्चायोगले जनाएको छ । नेपालमा २००९ जुन देखि देखि रोहिंग्यालाई शरणार्थीको रुपमा मान्यता दिन थालिएको हो ।

---

Comment from facebook