सिमा अतिक्रमणको विरोधमा काठमाडौंस्थित भारतीय दुताबास अगाडि धर्ना

Best Khabar Team | २०७६ कार्तिक २६ गते मंगलबार

विभिन्न संघ संस्थाको पहलमा काठमाडौंस्थित भारतीय दुतावास अगाडि धर्ना ।

११ डिसेम्बर, २०१९
काठमाडौं । भारतीय पक्षले नेपाल भारत सिमावर्ती क्षेत्रका विभिन्न स्थानमा सिमा अतिक्रमण गरेको विरोधमा आज काठमाडौंस्थित भारतीय दुतावास अगाडि धर्ना दिइएको छ । मानवअधिकारको क्षेत्रमा कार्यरत विभिन्न संघ संस्थाको पहलमा काठमाडौंको लैनचौरस्थित भारतीय दुतावास अगाडी धर्ना प्रदर्शन गरिएको हो ।

धर्नामा सहभागीहरुले भारतले हालै हालै प्रकाशित गरेको राजनीतिक नक्सामा नेपाली भूमि मिचिएको देखाइएकोले त्यसलाई तत्काल सच्चाउन माग गरिएको थियो । यस्तै धर्नामा सहभागीहरुले सिमा अतिक्रमणसम्बन्धी निर्णय तुरुन्त सच्याउ, अतिक्रमित नेपाली भूभागबाट भारतीय सेना तत्काल फिर्ता गर, लिम्पियाधुरा, लिपुलेक र कालापानी नेपाली भूभाग हो, नेपाल भारत मैत्री अमर रहोस लेखिएका ब्यानर र प्लेकार्ड प्रदर्शन गरेका थिए ।

भारतीय पक्षले गरेको सिमा अतिक्रमणको विरोधमा अन्र्तराष्ट्रिय मानवअधिकार दिवसको अवसर पारेर विभिन जिल्लामा पनि विरोध तथा धर्ना कार्यक्रम भएका छन् ।