सागमा स्वर्ण जित्ने खेलाडीलाई जनही ९ लाख दिने सरकारको घोषणा

Best Khabar Team | २०७६ मंशिर २५ गते बुधबार

१२ डिसेम्बर, २०१९
काठमाडौं । दक्षिण एसियाली खेलकुद प्रतियोगिता (साग) का स्वर्ण पदक जित्ने नेपाली खेलाडीलाई सरकारले जनही ९ लाख रुपैयाँ दिने भएको छ । प्रधानमन्त्री केपी शर्मा ओलीले सागमा स्वर्ण पदक जित्ने खेलाडीहरुलाई आज सरकारी निवास बालुवाटार बोलाएर खेलाडीहरुले राष्ट्रको इज्यत जोगाएको भन्दै उनीहरुलाई प्रोत्साहनस्वरुप ९ लाख रुपैयाँ दिने घोषणा गर्नुभएको हो ।

खेलाडीहरुको हौसला बढाउन तथा उनीहरुप्रति सम्मान व्यक्त गर्नका लागि उनीहरुलाई नगद रकम दिन लागेका प्रधानमन्त्रीको भनाई छ । बालुवाटारमा आज खेलाडीहरुलाई बोलाएर प्रधानमन्त्रीले स्वर्ण, रजत तथा कास्य पदक विजेता सबै खेलाडीलाई सरकारले प्रोत्साहनस्वरुप रकम प्रदान गर्ने बताउनुभएको हो ।

प्रधानमन्त्रीका अनुसार साग खेममा रजत विजेतालाई ६ लाख र कास्य विजेतालाई ३ लाख समेत प्रदान गरिने छ । यस्तै, फूलबल खेलमा स्वर्ण जित्ने खेलाडीलाई पनि सरकारले प्रतिव्यक्ति ५ लाखका दरले रकम प्रदान गर्ने जनाएको छ । यसअघि प्रधानमन्त्रीले सागमा राम्रो खेल खेल्ने खेलाडीलाई राहत एवं प्रोत्साहन प्रदान गर्ने बताउनुभएको थियो ।

Comment from facebook