फिनल्याण्डमा ३४ वर्षकी महिला बनिन् प्रधानमन्त्री

Best Khabar Team | २०७६ आश्विन २५ गते शनिबार

११ डिसेम्बर, २०१९
हेलसिकी । पृथ्वीको उत्तरी गोलार्धमा रहेको युरोपेली मुलुक फिनल्याण्डले ३४ वर्षकी एक महिलालाई प्रधानमन्त्रीको रुपमा पाएको छ । हिजो सम्पन्न मन्त्रीपरिषद्को बैठकले सान्ना मारिनलाई प्रधानमन्त्रीको रुपमा चयन गरेको हो ।

उनी फिनल्याण्डको समाजवादी लोकतान्त्रिक पार्टीबाट प्रधानमन्त्रीमा चुनिएको हो । एक साता अघि तत्कालीन प्रधानमन्त्री एण्टी रिन्नेले राजीनामा दिएलगत्तै फिनल्याण्डमा प्रधानमन्त्री पद रिक्त रहेको थियो । विपक्षी दलहरुले रिन्नेलाई राजीनामा दिन संसदमा दबाब दिएसँगै उनले संसद्बाट राजीनामा दिएका थिए ।

यद्यपि विपपक्षीको विरोधका बावजुत पनि चुनावी प्रक्रियामा रिन्ने र मारिन प्रतिस्पर्धीका रुपमा रहेका थिए । चुनावी परिणाम अनुसार रिन्नेले २९ मत प्राप्त गरेका थिए भने सान्ना मारियाले ३२ मत प्राप्त गरेर प्रधानमन्त्रीमा विजयी भएकी हुन् ।

यसअघि फिनल्याण्डमा ३६ वर्षका प्रधानमन्त्री थिए । त्यो रेकर्ड समेत सान्नाले तोडेकी छन् । युरोपमा निक्कै संबृद्ध मुलुकको रुपमा रहेको फिनल्याण्डले युवा प्रधानमन्त्री पाएसँगै आर्थिक विकास तथा विकास निर्माणका काममा थप तिव्रता पाउने अपेक्षा फिनल्याण्डी जनताले गरेका छन् ।