‘बहादुर कुकुर’हरुले गोर्खामा चितुवा मारे

Best Khabar Team | २०२६ पुष १७ गते बिहिबार

२२ मार्च, २०१९
काठमाडौं । सामान्य बोलीचालिको भाषामा हामी कसैलाई कातर भनेर हेप्नुप-यो भने कस्तो लुते कुकुर जस्तो भन्ने गर्दछौं । तर यसरी कातर भनेर तुलना गर्ने कुकुरले गोर्खामा भने बाघ नै मारेका छन् । जिल्लाको पालुङटार नगरपालिका वडा नम्बर ९ भोर्लेमा स्थानीय एक कृषकको बाख्रा फारममा पुगेको चितुवालाई फार्मको सुरक्षामा खटिएका कुकुरहरुले आक्रमण गरी मारेका छन् ।

करिब डेढ घण्टासम्म चलेको चितुवा र कुकुरको भिडन्तको क्रममा एउटा कुकुर पनि मरेको छ । छ वटा कुकुर मिलेर स्थानीय फुचुङ लामाको बाख्रा फार्ममा पसेको चितुवालाई आक्रमण गरेका थिए । सो भिडन्तमा परी एउटा कुकुर र चितुवा मरेको छ भने दुईवटा कुकुर घाईते भएका छन् । ५ फिट लम्बाई र २ फिट उचाई रहेको सो चितुवा जंगलमा पाईने सामान्य चितुवा भएको जिल्ला बन कार्याले जनाएको छ ।

सुन्दा अचम्म लाग्ने यो घटना पछि स्थानीय वासिन्दा अहिले घटना स्थलमा पुगेर चितुवासँग भिडन्त गर्ने घाइते कुकुरप्रति सहानुभूति प्रकट गरिरहेका छन् । मुचुल्का गरिसकेपछि चितुवालाई सुरक्षित स्थानमा गाड्ने बताईको छ।