गैरआवासीय नेपाली संघको अध्यक्षमा डा. बद्री केसी बिजयी

Best Khabar Team | २०२६ पुष १७ गते बिहिबार

१९ अक्टोबर, २०२३
लिंकरोभर, बेल्जियम । काठमाडौंमा जारी गैरआवासीय नेपाली संघ (एनआरएनए) को ११ औं विश्व सम्मेलन अन्तर्गत् भएको चुनावबाट डाक्टर बद्री केसी अध्यक्ष पदमा विजयी भएका छन् । आफ्ना निकटतम प्रतिद्वन्द्वीद्वय महेश श्रेष्ठ र आरके शर्मालाई पराजित गर्दै केसी एनआरएनको अध्यक्षमा विजयी भएका हुन् ।

उनले १ हजार ३ सय ७८ मत प्राप्त गरेका छन् । उनका निकटतम प्रतिद्वन्द्वी श्रेष्ठले १ हजार २ सय २५ र शर्माले १ हजार २ सय ८१ मत प्राप्त गरेका छन् । सम्मेलनले ६ उपाध्यक्ष समेत चयन गरेको छ । जसमा डा. हेमराज शर्मा, रोविन शेरचन, रामशरण सिंखडा, खगेन्द्र न्यौपाने, राज रेग्मी र डाक्टर विनोद श्रेष्ठ विजयी भएका छन् । बेल्जियम निवासी अनुजा प्रधान महिला उपाध्यक्षमा विजयी भएकी छन् । उनकी निकटतम प्रतिद्वन्द्वी वेगम सैयदले १ हजार ९ सय १४ मत प्राप्त गर्दा अनुजाले एक हजार ९ सय ४७ मत प्राप्त गरेर विजयी भएकी हुन् ।

महासचिवमा गौरीराज जोशी, उपमहासचिवमा सोम सापकोटा र प्रविन गुरुङ्ग विजयी भएका छन् ।