hi himalaya nepal

मे ४ बाट सबै आन्तरिक उडान बन्द हुने : भारत, ब्राजिल र दक्षिण अफ्रिकाबाट हुने उडान पनि रोक्ने सरकारको निर्णय

Best Khabar Team | २०७८ बैशाख १९ गते आइतबार


०२ मे, २०२१
काठमाडौं । बढ्दो कोरोना संक्रमणलाई मध्यनजर गर्दै सरकारले भोलि सोमबार मध्यरातबाट लागुहुने गरी देशभर सञ्चालनमा रहेका सबै आन्तरिक हवाई उडान बन्द गर्ने निर्णय गरेको छ । कोभिड संकट व्यवस्थापन केन्द्रले यसअघि गरेको सिफारिसलाई कार्यान्वयन गर्दै सरकारले यो निर्णय लागू गरेको हो ।

फाइल तस्वीर : त्रिभुवन विमानस्थल ।

योसँगै मे ४ तारिख अर्थात् मंगलबार बिहानैदेखि देशभर हुने सबै राष्ट्रिय उडान अनिश्चितकालका लागि बन्द गरिने भएको छ । नेपाल सरकार मन्त्रीपरिषद्को आज साँझ बसेको बैठकले यो निर्णय गरेको हो । सरकारको यो निर्णयसँगै भोलि सोमबार मध्यरात अघिसम्म मात्रै आन्तरिक उडान हुनेछन् । त्यसपछि मंगलबारदेखि देशभरी सञ्चालनमा रहेका सबै हवाई उडान अर्को सूचना जारी नहुञ्जेलसम्मका लागि बन्द हुने भएका छन् ।

पछिल्ला दिनमा काठमाडौं उपत्यकालगायत देशभर कोरोना संक्रमण बढ्दो क्रममा रहेपछि सरकारले बिहीबारबाट उपत्यकालगायतका देशका विभिन्न जिल्लामा निषेधाज्ञा जारी गरेको थियो । योसँगै देशभर सञ्चालनमा रहेका सार्वजनिक तथा निजी गाडी सञ्चालनमा रोक लगाइएपनि हवाई उडान भने सञ्चालमै थियो । तर हवाई उडानबाट यात्रुहरु आउजाउ गर्ने क्रम जारी रहेसँगै कोरोना संक्रमण थप फैलने निष्कर्षसहित हवाई उडानमाथि रोक लगाइएको सरकारी स्रोतको दाबी छ । यसअघि कोभिड १९ संकट व्यवस्थापन केन्द्र अर्थात् सीसीएमसीले तत्काल कोरोना संक्रमण नियन्त्रणमा लिनका लागि हवाई उडान बन्द गर्नुपर्ने सुझाव मन्त्रीपरिषद्मा पेश गरेको थियो । आज साँझ बसेको मन्त्रीपरिषद् बैठकले यो प्रस्तावलाई पारित गरेको हो । तर अत्यावश्यक सेवामा रहेका उडानहरुलाई सरकारको अनुमतिमा चार्टर उडान भर्न दिइने निर्णय मन्त्रीपरिषद्ले गरेको छ ।

यसैबीच सरकारले भोलिदेखि नै लागूहुने गरी छिमेकी मुलुक, दक्षिण अफ्रिका तथा ब्राजिलबाट हुने सबै अन्र्तराष्ट्रिय उडानमाथि समेत रोक्ने निर्णय गरेको छ । यस्तै कोरोना प्रभावित अन्य देशहरुबाट हुने हवाई उडानमाथि पछि बैशाख अन्तिम सातादेखि रोक लगाउने निर्णय भएको मन्त्रीपरिषद् स्रोतको दाबी छ ।



Comment from facebook



थप खबर पढ्नुहोस्
अमेरिकी राष्ट्रपति ट्रम्प बेलायतको राजकीय भ्रमणमा अमेरिकी राष्ट्रपति ट्रम्प बेलायतको राजकीय भ्रमणमा

२०७६ जेठ २० गते सोमबार

०३ जुन, २०१९ न्युयोर्क । अमेरिकी राष्ट्रपति डोनाल्ड ट्रम्प...

विरलै  देखिने घटना : शव जलाउँदै गर्दा एक्कासी खोला उर्लेर आएपछि…….(भाइरल भिडियो ) विरलै देखिने घटना : शव जलाउँदै गर्दा एक्कासी खोला उर्लेर आएपछि…….(भाइरल भिडियो )

२०७७ बैशाख १५ गते सोमबार

२७ अप्रिल, २०२०कन्याम । इलाममा आज दिउँसो ज्यान गुमाएका...

इराकको बग्दाद विमानस्थलमा अमेरिकी हवाई आक्रमण : इरानका विशेष सैन्य दस्ताका प्रमुख सुलेमानी मारिए इराकको बग्दाद विमानस्थलमा अमेरिकी हवाई आक्रमण : इरानका विशेष सैन्य दस्ताका प्रमुख सुलेमानी मारिए

२०७६ पुष १८ गते शुक्रबार

०३ जनवरी, २०२० बग्दाद । अमेरिकी सरकारले गरेको हवाई...

झापामा पनि भेटिए कोरोना संक्रमित झापामा पनि भेटिए कोरोना संक्रमित

२०७७ बैशाख १२ गते शुक्रबार

२४ अप्रिल, २०२०दमक । पूर्वी नेपालको झापा जिल्लामा आज...

Top