सेनाले चलाएको गोली लागेर म्यानमारमा नेपाली दम्पत्तीको मृत्यु

Best Khabar Team | २०७८ बैशाख १ गते बुधबार

१४ अप्रिल, २०२१
रंगुन, म्यानमार । म्यानमारमा गएको फेब्रुअरीदेखि जारी सैन्य दमनमा नेपाली मुलुका म्यानमारीहरु समेत पर्न थालेका छन् । प्राप्त पछिल्लो जानकारी अनुसार म्यानमारको तामु शहरमा सेनाले सडकमा मोटरसाइकलमा सवार नेपाली दम्पत्तीमाथि गोली प्रहार गरी हत्या गरेका छन् । सेनाले चलाएको गोली लागेर म्यानमार गोर्खा समुदायसम्बद्ध किसान गौतम र उनकी ३० वर्षकी श्रीमती हरिमाया गौतमको ज्यान गएको छ ।

स्थानीय समय अनुसार मंगलहार साँझ उनीहरु दुध बेच्नका लागि बजार जाँदै गर्दा सेनाको निशानामा परेका थिए । सेनाले चलाएको गोली लागेर नेपालीमुलुका गौतम दम्पत्तिको घटनास्थलमै मृत्यु भएको अन्र्तराष्ट्रिय सञ्चारमाध्यमहरुले जनाएका छन् । म्यानमार गोर्खा समुदायलाई उद्दृत गर्दै स्थानीय सञ्चारमाध्यमहरुले दिएको जानकारी अनुसार २ छोरा र एक छोरीसहित सो शहरमा बस्दै आएका गौतम दम्पत्ति विगत लामो समयदेखि दुध बेचेर जीविकोपार्जन गर्दै आइरहेका थिए । उनीहरुको शव स्थानीय एक नहर छेउमा भेटिएको थियो ।

म्यानमार गोर्खा संघका पूर्वमहासचिव लक्ष्मण न्यौपानेका अनुसार गौतमको परिवार तीन पुस्ता अघिदेखि सो शहरमा बसोबास गर्दै आइरहेको छ । म्यानमारमा सैन्य कुको विरुद्धमो भै रहेको जनप्रदर्शनका क्रममा हालसम्म ७ सय भन्दा बढीको ज्यान गै सकेको छ । गएको फेब्रुअरी १ तारिखका दिन म्यानमारका प्रजातन्त्रबादी नेतृ आङ्गसाङ्ग सुकीलगायतका नेताहरुलाई नियन्त्रणमा लिएर सेनाले सासनसत्ता आफ्नो हातमा लिएको थियो ।

पछिल्ला दिनहरुमा प्रदर्शनकारीको संख्या तथा प्रदर्शनस्थल पनि बढ्दै गएका कारण आन्दोलन थप हिंसात्मक बन्न थालेको छ ।

थप यो पनि पढ्नुहोस् ।