गोरखाको बारपाकमा एउटै परिवारका ३ जना मृत भेटिए

Best Khabar Team | २०७७ फाल्गुन १० गते सोमबार

२२ फेब्रुअरी, २०२१
गोर्खाबजार, गोर्खा । गोरखा जिल्लाको पालुङ्गटारमा एउटै परिवारका ३ जना मृत भेटिएका छन् । जिल्ला प्रहरी कार्यालयले दिएको जानकारी अनुसार बारपाक सुलिकोट गाउँपालिका वडा नम्बर १ बारपाकमा स्थानीय ८४ वर्षका टिलबहादुर गुरुङ्ग उनकी बुहारी र नातिनी मृत अवस्थामा भेटिएका हुन् ।

प्रहरीले दिएको जानकारी अनुसार आइतबार राति सकुशल सुतेका उनीहरु सोमबार बिहान अवेरसम्म पनि नउठेपछि गाउँले जम्मा भएर घरको ढोका फोरेर हेर्दा उनीहरु मृत भेटिएका थिए । मृतकहरुको मुखबाट फिँज बगिरहेकोले कुनै विषाक्त खानेकुराका कारण उनीहरुको ज्यान गएको हुनसक्ने अनुमान गरिएको छ ।

मृत्यु हुनेमा टिलबहादुरकी बुहारी २२ वर्षकी आइत कुमारी गुरुङ्ग, आइतकी छोरी १३ वर्षकी उषा गुरुङ्ग रहेकी छन् । स्थानीय जौबारी प्रहरी चौकीबाट प्रहरीको टोली घटनास्थलमा पुगेर अनुसन्धान अघि बढाएको छ । सो घरमा रहेका अन्य परिवारका सदस्य भने चितवन गएको बुझिएको छ । मृतकहरुको शबलाई पोष्टमार्टमका लागि लागि घटनास्थलबाट जिल्ला अस्पताल गोरखा लैजाने तयारी भै रहेको प्रहरीको भनाई छ ।

Comment from facebook