काठमाडौं भ्यालीमा २४ घण्टायता थप ३१८ जनामा कोरोना संक्रमण

Best Khabar Team | २०२६ पुष १७ गते बिहिबार

२३ डिसेम्बर, २०२०
काठमाडौं । पछिल्लो २४ घण्टायता काठमाडौं उपत्यकामा थप ३ सय १८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको तथ्यांक अनुसार देशभर कुल ७ सय ४३ जनामा कोरोना संक्रमण देखिँदा काठमाडौं उपत्यकाभित्र मात्रै ३ सय १८ जना नया संक्रमित थपिएका हुन् ।

संक्रमितमध्ये काठमाडौं जिल्लामा २ सय ५० जना, ललितपुरमा ३४ र भक्तपुरमा पनि थप ३४ जनामा कोरोना संक्रमण देखिएको छ । संक्रमितमध्ये १ सय १८ जना महिला र २ सय जना पुरुष रहेका छन् । हालसम्म देशभर कोरोना संक्रमितको संख्या दुई लाख ५५ हजार ९ सय ७९ पुगेको मन्त्रालयले जनाएको छ ।

पछिल्लो २४ घण्टामा ९ सय ५२ जनाले कोरोना भाइरसलाई पराजित गरेका छन् भने ५ जनाको कोरोनाकै कारण ज्यान गएको छ । हालसम्म कोरोना भाइरसको संक्रमणमा परी देशभर १ हजार ८ सय ३ जनाको मृत्यु भै सकेको मन्त्रालयको भनाई छ ।