नवनिर्वाचित अमेरिकी राष्ट्रपति बाईडेनले पनि लगाएर ‘कोरोना भ्याक्सिन’

Best Khabar Team | २०२६ पुष १७ गते बिहिबार

२२ डिसेम्बर, २०२०
न्यूर्योक । अमेरिकाका नवनिर्वाचित राष्ट्रपति जो वाईडेनले कोरोना विरुद्धको खोप लगाएका छन् । हालै आम नागरिकका लागि कोरोना भाइरस विरुद्धको खोप प्रयोगमा ल्याउने अनुमति पाएसँगै नवनिर्वाचित राष्ट्रपति वाइडेनलाई पनि चिकित्सकहरुको टोलीले कोरोना भाइरस विरुद्धको खोपको पहिलो डोज लगाईदिएको हो ।

अमेरिकाको डेलावरस्थित आफै घर रहेको राज्यमा उनले कोरोना भ्याक्सिनको पहिलो डोज लिएको सिएनएनले उल्लेख गरेको छ । उनले खोप लिएको दृष्यहरुलाई टेलिजिभनहरुले प्राथमिकताका साथ प्रत्यक्ष प्रशारण गरेका थिए । स्थानीय त्रिस्टियाना केयर अस्पतालकी नर्स ताबे मासाको हातबाट वाईडेनले कोरोनाको खोप लिएका हुन् ।

खोप उत्पादन र लगाउन सहयोग गर्ने स्वास्थ्य कर्मचारीहरुलाई बाईडेनले सामाजिक सञ्जालमार्फत् बधाई समेत दिएका छन् । उनले अब कोरोनाबाट त्रसित बन्नुपर्ने अवस्था नरहेको भन्दै आम नागरिकलाई सतर्क तथा सकारात्मक बन्न आग्रह गरेका छन् ।

कोरोनाविरुद्ध अमेरिका र जर्मनले विकास गरेको भ्याक्सिनको प्रभावकारीता ९५ प्रतिशतसम्म रहेको विज्ञहरुले बताएका छन् । अमेरिका, बेलायत रुसलगायतका देशले भ्याक्सिनको प्रयोग थालिसकेका छन ।