Best Khabar Team | २०७७ असार २७ गते शनिबार

---

०७ नोभेम्बर, २०२०
न्यूर्योक, अमेरिका । विश्वको सर्वशक्तिमान सम्पन्न मुलुकको नयाँ राष्ट्रपतिको रुपमा जोड बाइडेन विजयी भएका छन् । गएको मंगलबार सम्पन्न चुनावको आज प्राप्त पछिल्लो तथा अन्तिम मत परिणाम अनसार आगामी चार वर्षका लागि नयाँ राष्ट्रपतिमा डेमोक्र्याट पार्टीका जोई बाईडेन विजयी भएका हुन् ।

उनी निवर्तमान राष्ट्रपति डोनाल्ड ट्रमलाई पराजित गर्दै राष्ट्रपति बनेका हुन् । यो सँगै उनी संयुक्त राज्य अमेरिकाको ४६औं राष्ट्रपतिमा बनेका छन् । अबको चार वर्ष उनले अब अमेरिकाको राष्ट्रपतिको रुपमा काम गर्नेछन् । नवनिर्वाचित राष्ट्रपति वाईडेन यसअघिका राष्ट्रपति बनेका बाराक ओबामाको समयमा उपराष्ट्रपति थिए ।

यो पटक पूर्व राष्ट्रपति बाराकले पनि वाईडेनको चुनावी प्रचारप्रसार अभियानमा सक्रियरुपमा आफूलाई सहभागी गराएका थिए । डाइडेनले पछिल्लो पटक विजयी हुनका लागि आवश्यक पर्ने २ सय ७० इलेक्टोरल भोटको लक्षलाई अमेरिकाको पेन्सिलभेनिया राज्यको मतगणनासँगै पुरा गरेपछि उनको जीत भएको हो ।

यसअघि भएको मतगणनालाई आधार बनाउँदा र बाँकी रहेका राज्यहरुको अवस्था हेर्दा उनको जीत सुनिश्चित हुने वष्लेषकहरुले यसअघि नै अनुमान गरिसकेका थिए । नवनिर्वाचित राष्ट्रपति बाइडेन ७७ वर्षका छन् ।

---

Comment from facebook