Best Khabar Team | २०७७ भाद्र २६ गते शुक्रबार

---

११ सेप्टेम्बर, २०२०
न्यूर्योक, अमेरिका । आज सेप्टेम्बर ११ । विश्वको सर्वशक्तिमान सम्पन्न मुलुक अमेरिकामा आतंककारी आक्रमण भएको १९ वर्ष पुरा भएको छ । विश्वलाई नै आश्चर्य तथा आतंकित बनाउने उद्देश्यले सन् २००१ को सेम्टेम्बर ११ का दिन आतंककारीहरुले अमेरिकाको न्यूर्योकमा रहेको ट्वीन टावर (वर्ड ट्रेड सेन्टर) मा जहाज ठोक्काएको दिन । विश्वलाई आतंकित बनाउने उद्देश्यले १९ वर्षअघि भएको यो घटना पछि अमेरिकीहरुले सेप्टेम्बर ११ लाई कालो दिनको रुपमा लिने गरेका छन् ।

अमेरिकी समय अनुसार सन् २००१ को सेप्टेम्बर ११ तारिखका दिन बिहान करिब पौने ९ बजे अलकायदा नामक आतंककारी संगठनले अमेरिकी एयरलाईन्सको विमानलाई अपहरण गरी न्यूर्योकको आकर्षण र इज्ज्यको रुपमा रहेको वर्ड टे«ड सेन्टरस्थित ट्वीन टावरमा लगेर ठोक्काएका थिए । आतंकबाद विरुद्ध लड्ने हरेक राष्ट्र र नागरिकहरुले यो दिनलाई काला ेदिनको रुपमा लिने गरेका छन् ।

अमेरिकाको न्यूर्योकको आकर्षण र पहिचान बोकेको वर्ल्ड ट्रेड सेन्टरमा आतंककारीहरुले विमान ठोक्काएर गरेको आक्रमणमा सयौंको ज्यान गएको थियो भने अबौंको क्षति भएको थियो । सँधै झकिझाउ पूर्ण देखिने सो पर्यटकीय ‘हिरा’ आतंककारीहरुले गरेको आक्रमणका कारण केहीबेरमै भग्नावशेष र खरानीमा परिणत भएको थियो । आतंककारीहरुले २ वटा विमानलाई नर्थ टावर र साउथ टावरमा लगेर ठोक्काएका थिए भने बाँकी दुईवटालाई पेन्टागन र सोही राज्यको जंगलमा लगेर खसालेका थिए ।

जसमा करिब ३ हजार जनाले ज्यान गुमाएका थिए । आक्रमणकारीहरुले ४ वटा विमानलाई अपहरण गरेकोमा दुईवटा विमानलाई ट्वीन टावरमा ठोक्काएर क्रुरतापूर्ण कार्य गरेका थिए । १९ वर्षपछि पनि सो दिनलाई अमेरिकीहरुले त्रासदिपूर्ण दिनको रुपमा स्मरण गरिरहेका हुन्छन् । बिहान सबेरै मानिसहरु आफ्नो दैनिक कामकाजमा जाने क्रममै रहेका बेला सो आक्रमण भएको थियो ।

त्यसपछि अमेरिकाले विश्वभरबाट आतंबादलाई परास्त गर्नका लागि एउटा दृढ अठोटका साथ अभियान चलायो र धेरै हदसम्म अमेरिकाले सफलता समेत पाएको छ । सेप्टेम्बर ११ को घटनापछि अहिले विश्वभर नै विमान तथा उडान सुरक्षामा व्यापक सावधानी तथा सजगता अपनाउन थालिएको छ ।

---

Comment from facebook