२४ घण्टामा थपिए १ हजार ३५९ कोरोना संक्रमित

Best Khabar Team | २०७७ भाद्र १९ गते शुक्रबार

०४ सेप्टेम्बर, २०२०
काठमाडौं । पछिल्लो २४ घण्टामा देशभर १ हजार ३ सय ५९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार काठमाडौंसहित देशभर गरिएको साढे १३ हजार भन्दा बढीको नमुना परिक्षणका क्रममा १ हजार ३ सय ५९ जनामा कोरोना संक्रमण पुष्टि भएको हो ।

मन्त्रालयले दिएको जानकारी अनुसार २४ घण्टामा काठमाडौंमा ३ सय ८६ जना, भक्तपुरमा ३६ जना र ललितपुरमा ३२ जनामा कोरोना संक्रमण पुष्टि भएको हो । काठमाडौं उपत्यकाबाहिर देशका ३ दर्जन जिल्लामा आज नयाँ कोरोना संक्रमित भेटिएका हुन् । संक्रमितमध्ये ४ सय ६४ महिला र ८ सय ९५ जना पुरुष रहेको बताइएको छ । मन्त्रालयले हालसम्म देशभर ४४ हजार २ सय ३६ जनामा कोरोना संक्रमण पुष्टि जनाएको छ ।

हालसम्म कोरोनाबाट देशभर २ सय ७१ जनाको कोरोनाबाट ज्यान गएको छ भने साढे २५ हजार भन्दा बढी संक्रमित कोरोना मुक्त भएका छन् ।

Comment from facebook