जलवायु पविर्तनसम्बन्धी कुम्भमेला मड्रिडमा शुरु, करिब २ सय देशका प्रतिनिधि सहभागी

Best Khabar Team | २०७६ भाद्र २६ गते बिहिबार

०९ डिसेम्बर, २०१९
मड्रिड । युरोपेली मुलुक स्पेनको पर्यटकीय सहर मड्रिडमा जलवायु परिवर्तनसम्बन्धी राष्ट्रसंघीय सम्मेलन २०१९ शुरु भएको छ । गत सोमबारबाट जारी सम्मेलनमा विश्वका १ सय ९७ देशका राष्ट्रप्रमुख तथा सरकार प्रमुख सहभागी छन् । यस्तै कतिपय देशका वातावरणमन्त्री तथा जलबायु परिवर्तनका क्षेत्रमा सक्रिय अभियान्ताहरु समेत सम्मेलनमा सहभागी भएका छन् । पछिल्ला वर्षहरुमा जलबायु परिवर्तनका कारण पृथ्वीका विभिन्न क्षेत्रमा प्राकृतिक असर पर्दै गएको तर्फ सम्मेलमा सहभागीहरुले ध्यानाकर्षण गराएका छन् ।

स्पेनको पर्यटकीय सहर मड्रिडमा जारी जलवायु परिवर्तनसम्बन्धी राष्ट्रसंघीय सम्मेलन २०१९ ।

जलबायु परिवर्तनका कारण विश्वका विभिन्न स्थानमा अतिबृष्टि, अनाबृष्टि, हिमालयहरुमा हिँहरु पग्लनेलगायतका समस्या देखिएपछि कार्यक्रममा सहभागीहरुले यसको असर कम गर्न सिंगो विश्व एक हुनुनर्पेमा जोड दिएका छन् । मंसीर २७ गतेसम्म चल्ने सो सम्मेलनमा नेपालका तर्फबाट बनमन्त्री शक्ति बस्नेत पनि मड्रिड आइपुग्नुभएको छ ।

नेपालले यसपटक सम्मेलनमा हिमाली क्षेत्रमा हिँउ पग्लने क्रम बढ्दै गएको र यसको प्रत्यक्ष प्रभाव मानवको दैनिकीहरुमा समेत परेको भन्दै यसको प्रभाव कम गर्न सबैमिलेर हातेमालो गर्नुपर्नेमा जोड दिनुहुने भएको छ ।

यसअघि चिलीमा हुने तय भएको सम्मेलन चिलीले राजनीतिक कारण देखाउँदै आयोजना गर्न नसकेका कारण स्पेनमा आयोजना भएको हो । सम्मेलन मंसीर २७ गतेसम्म चल्ने छ ।