नेपालमै पहिलो पटक धार्मिक महत्व बोकेको ‘सुनौलो रंगको कछुवा’ भेटियो

Best Khabar Team | २०७७ भाद्र ५ गते शुक्रबार

२१ अगस्ट, २०२०
जनकपुर, धनुषा । नेपालमा पहिलो पटक स्वर्ण (सुनौलो रंगको) कछुवा फेला परेको छ । विश्वमा विरलै भेटिने र भगवान विष्णुको स्वरुप मानिने स्वर्ण रंगको कछुवा तराईको धनुषा जिल्लामा हालै फेला परेको हो । धनुषा जिल्लाको धनुषाधाम नगरपालिकाका एक स्थानीयले पहिलोपटक यो रंगको कछुवा देखेपछि स्थानीयले यसको जानकारी पाएका थिए ।

यसअघि यस्तो रंगको कछुवा विश्वमा हालसम्म ४ पटक मात्रै देखा परेको पशुपंक्षीको बारेमा विशेष अध्ययन गर्दै आएका विज्ञहरुको भनाई छ । नेपलमा भने यो पहिलोपटक देखिएको बताइएको छ । विभिन्न धर्मशास्त्रहरुमा उल्लेख भए अनुसार पृथ्वीमा विभिन्न खाले संकट देखापरेका बेला त्यसबाट जोगाउनका लागि भगवान् विष्णुले स्वर्ण रंगको कछुवाको रुप लिएर पृथ्वीमा अवतरण गर्नेछन् ।

जसलाई भगवान् विष्णुको कुर्म अवतारको रुपमा पनि पुराणहरुमा उल्लेख गरिएको छ । यसैले स्वर्ण कछुवालाई भगवान् विष्णुकै रुपमा मान्ने प्रचलन रहेको छ । नेपालको धनुषा जिल्लामा फेला परेको स्वर्ण रंगको कछुवाको बारेमा अन्र्तराष्ट्रिय सञ्चारमाध्यम डेलिमेलले निक्कै महत्वका साथ समाचार छापेको छ ।

Comment from facebook