विश्वभर कोरोनाबाट साढे सात लाख बढीको मृत्यु, १५० भन्दा बढी राष्ट्रमा दैनिक देखिँदैछन् संक्रमित

Best Khabar Team | २०२६ पुष १७ गते बिहिबार

१४ अगस्ट, २०२०
न्यूर्योक, अमेरिका । कोरोना भाइरसको संक्रमण शुरुभएदेखि हालसम्म विश्वभर साढे ७ लाख भन्दा बढी मानिसको मृत्यु भै सकेको छ । कोरोना भाइरससम्बन्धी सबै तथ्यांक अद्यावधिक गर्ने ओल्र्डोमिटर डटकमले जारी गरेको पछिल्लो तथ्यांक अनुसार विश्वभर यो समाचार तयार पार्दासम्म ७ लख ५७ हजार ४ सय ९५ जनाको ज्यान गएको छ ।

यस अवधिमा विश्वभर कोरोनाका कारण २ करोड १० लाख ७४ हजार भन्दा बढी मानिसहरु प्रभावित बनेका छन् । संक्रमितमध्ये हालसम्म १ करोड ३९ लाख २५ हजार ६ सय १२ जना निको भएका छन् । कोरोनाबाट हालसम्म सबैभन्दा बढी प्रभावित देशको रुपमा अमेरिका रहेको छ । त्यसपछि क्रमश ब्राजिल, भारत, रसिया, दक्षिण अफ्रिका, पेरु तथा मेक्सिको रहेका छन् ।

विश्वका १ सय ५० भन्दा बढी देशमा अहिले पनि दैनिकरुपमा नयाँ कोरोना संक्रमित भेटिइरहेका छन् । यद्यपि स्पेन, इटालीजस्ता देशमा अहिलेपनि संक्रमितको संख्या देखिइरहेको भएपनि मृत्युदर भने अत्यन्तै न्यून हुँदै गएको छ ।२०१९ को डिसेम्बर दोश्रो सातादेखि चीनको बुहान प्रान्तबाट शुरुभएको कोरोना भाइरसले अहिले दक्षिण एसियाली मुलुकमा भारत, नेपाल बंगलदेश, पाकिस्तानलगायतका देशहरुलाई नराम्ररी प्रभावित पारेको छ ।

हालसम्म एन्ग्युलिया, भ्याटिकन सिटी, फाल्कल्याण्ड आइसल्याण्ड, ग्रिनल्याण्ड, डोमिनिका,सेन्ट्किट्स एण्ड निभिस्,सेइन्ट् लुसिया, मकाओले आफ्नो देश कोरोना मुक्त देश भएको घोषणा गरिसकेका छन् ।