भारतमा विमान दुर्घटना, दुईजना पाइलटसहित कम्तीमा १६ को मृत्यु

Best Khabar Team | २०७७ श्रावण २३ गते शुक्रबार

०७ अगस्ट, २०२०
नयाँदिल्ली । दुबईबाट केरला आएको एउटा यात्रुबाहक बिमान आज साँझ भारतको केरलास्थित कोज्इकोदे विमानस्थलमा दुर्घटनामा परेको छ । दुर्घटनामा परी विमानका २ जना पाइलटसहित कम्तीमा १६ जना यात्रुको ज्यान गएको टाइम्स अफ इन्डियाले आफ्नो अनलाईन संस्करणमा उल्लेख गरेको छ ।

चालकदलका सदस्यसहित १ सय ९० जना सदस्य लिएर केरला आएको सो विमान विमास्थलमा अवतरणका दुर्घटनामा परेको हो । विमानस्थलमा विमान अवतरणका क्रममा पानी परिरहेको र सोही कारण विमान चिप्लिएर विमान दुर्घटनामा परेको अनुमान गरिएको छ । विमान दुर्घटना भएलगत्तै दुई टुक्रा भएको थियो । एयर इन्डियाको आईएक्स १३४४ बोइङ ७३७ विमान अवतरणका क्रममा दुर्घटनामा परेको हो ।

दुर्घटनास्थलमै ११ जनाको ज्यान गएको भएपनि पनि थप ५ जनाको उपचारको क्रममा दुर्घटनामा परेको थियो । दुर्घटनामा कम्तीमा १ सय जना घाइते भएका छन् । घाइतेहरुको केरलाका स्थानीय अस्पतालहरुमा उपचार भै रहेको छ ।