१० दिन अस्पताल बसेर प्रधानमन्त्री बालुवाटार फर्किए, स्वास्थ्यस्थिति सुधारोन्मुख

Best Khabar Team | २०७६ बैशाख २९ गते आइतबार

०५ डिसेम्बर, २०१९
काठमाडौं । विगत १० दिनदेखि राजधानीको महाराजगञ्जस्थित शिक्षण अस्पतालमा उपचार गराईरहनुभएका प्रधानमन्त्री केपी शर्मा ओली स्वास्थ्यमा सुधार आएपछि आज सरकारी निवास फर्कनुभएको छ । पछिल्लो समयमा एपेन्डिसाइटिसको अप्रेशन पछि प्रधानमन्त्री ओली शिक्षण अस्पताल हाताभित्रै रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचारात हुनुहुन्थ्यो ।

उहाँलाई अस्पतालले सधन कक्षमा राखेर उपचार गरेकोमा स्वास्थ्य अवस्थामा सुधार भएपछि उहाँ आज अस्पतालबाट डिस्चार्ज हुनुभएको हो । अस्पतालले निकालेको प्रेस विज्ञप्ति अनुसार प्रधानमन्त्री ओलीको स्वास्थ्यमा सुधार भएको छ । यद्यपि उहाँलाई अझै केहीदिन घरमै बसेर आराम गर्न चिकित्सकहरुले सुझाव दिएका छन् ।

मृगौल रोगबाटसमेत पीडित रहनुभएका प्रधानमन्त्रीको मिर्गौलाको डायलसिस समेत गरिएको अस्पताल स्रोतले जानकारी दिएको भएपनि अस्पतालले औपचारिक रुपमा यसको कुनै जानकारी दिएको छैन । गत मंगलबाट प्रधानमन्त्रीको एपेन्डाइटिक्सको अप्रेशन भएको र संक्रमण हुने जोखिम रहेको भन्दै उहाँलाई अस्पतालले सघन कक्षमा राखेर उपचार गरेको थियो ।