लेबनानमा विस्फोटक पदार्थले भरिएको गोदाममा विस्फोट, कम्तीमा ७८ जनाको मृत्यु (भिडियोसहित)

Best Khabar Team | २०७७ बैशाख २६ गते शुक्रबार


०५ अगस्ट, २०२०
बेरुत, लेबनान । विस्फोटक पदार्थ भण्डारण गरेर राखिएको एउटा गोदाममा भएको भयानक विस्फोटमा परी लेबनानमा कम्तीमा ७८ जनाको ज्यान गएको छ । अन्तर्राष्ट्रिय सञ्चारमाध्यमहरुका अनुसार लेबननको राजधानी बेरुतमा रहेको एउटा विस्फोटक पदार्थले भरिएको घरमा एक्कासी विस्फोट भएको थियो ।

घटना मंगलबारको हो । सो घटनामा परी कम्तीमा ५ हजार जना घाइते भएको बताइएको छ । घाइतेहरुलाई अहिले राजधानी बेरुत र आसपासका अन्य शहरका अस्पतालहरुमा उपचारार्थ भर्ना गरिएका छन् । घाइतेहरुको संख्या अझै बढ्नसक्ने अनुमान गरिएको छ । विस्फोट यति भयानक थियो कि जसका कारण शहरका प्राय सबै क्षेत्रमा कम्पन महशुस भएको थियो । झण्डै ३ हजार टन नाइट्रेड थुपारिएर राखिएको गोदाम किन र के कारणले विस्फोट भयो भन्ने खुल्न सकेको छैन । घटनाको विषयमा यहाँको सरकारले अनुसन्धान शुरु गरेको छ ।

विस्फोटका दृश्यहरु विभिन्न सामाजिक सञ्जालहरुमा सार्वजनिक भएको छ । विस्फोटपछि सिँगो शहर धुँवाको मुस्लोमा रुमलिएको देख्न सकिन्छ । यस्तै विस्फोटबाट हजारौं गाडी तथा अन्य भौतिक संरचनाहरुमा क्षति पुगेको छ । सो गोदाम सन् २०१४ को मध्यतिरबाट सञ्चालनमा आएको बताइएको छ ।

विशेष गरी अव्यवस्थित तरिकाले भण्डारण गरिएका विस्फोटक पदार्थहरुकै कारण त्यहाँ विस्फोट भएको हुनसक्ने आशंका गरिएको छ । घटनालगत्तै यहाँको सरकारले सिँगो देशभर आज राष्ट्रिय शोकको घोषणा गरेको छ ।

विस्फोटपछि भएको आगलागी अहिलेसम्म पूर्ण रुपमा नियन्त्रणमा आउन सकेको छैन । आगो निभाउन तथा घाइतेको उद्दारका लागि अहिले सयौं प्रहरी तथा स्वयंसेवकहरु शहरका विभिन्न भागमा खटिएका छन् ।

विस्फोटको बारेमा ट्वीटरमा सार्वजनिक भएको भिडियो ।


Comment from facebook



थप खबर पढ्नुहोस्
शुक्रबार र शनिबार चट्याङ्सहित भीषण वर्षातको सम्भावना, सचेत रहन मौसमविद्को आग्रह शुक्रबार र शनिबार चट्याङ्सहित भीषण वर्षातको सम्भावना, सचेत रहन मौसमविद्को आग्रह

२०७६ चैत्र २४ गते सोमबार

०४ जुन, २०२०काठमाडौं । अरब सागरको दक्षिणपूर्वी भागबाट शुरु...

अबैध आप्रबासी लिएर इटली जाँदै गरेको पानीजहाज ट्युनिसियामा दुर्घटना, ४६ को मृत्यु, मृतक अधिकांश महिला अबैध आप्रबासी लिएर इटली जाँदै गरेको पानीजहाज ट्युनिसियामा दुर्घटना, ४६ को मृत्यु, मृतक अधिकांश महिला

२०७७ कार्तिक २१ गते शुक्रबार

११ जुन, २०२०टुनिस, ट्युनिसिया । अफ्रिकी मुलुक ट्युनिसियाबाट अबैध...

घुसकाण्डमा मुछिएका दोलखाका तत्कालीन सिडियो अख्तियारको नियन्त्रणमा घुसकाण्डमा मुछिएका दोलखाका तत्कालीन सिडियो अख्तियारको नियन्त्रणमा

२०२६ पुष १७ गते बिहिबार

३१ डिसेम्बर, २०१९ काठमाडौं । अख्तियार दुरुपयोग अनुसन्धान आयोगले...

२७ दिनमा कोरोनालाई जितिन् काठमाडौंकी युवतीले २७ दिनमा कोरोनालाई जितिन् काठमाडौंकी युवतीले

२०२६ पुष १७ गते बिहिबार

१८ अप्रिल, २०२०काठमाडैं । गत चैत्र ४ गते युरोपेली...

Top