महानायक राजेश हमालका भाईको उपचारका क्रममा भारतमा निधन

Best Khabar Team | २०७७ श्रावण ७ गते बुधबार

२२ जुलाई, २०२०
नयाँदिल्ली, भारत । नेपाली चलचित्र क्षेत्रमा महानायकको उपाधी पाउन सफल चलचित्र अभिनेता राजेश हमालका भाइको निधन भएको छ । कलेजो सम्बन्धी समस्या देखिएपछि भारतको राजधानी नयाँ दिल्लीमा उपचारका क्रममा उनको आज निधन भएको यहाँस्थित नेपाली दूतावासका एकजना अधिकारीले जानकारी दिएका छन् ।

केहीसमय यता राकेश कलेजोसम्बन्धी समस्याबाट पीडित भएपछि उनलाई २ दिनअघि विमान चार्डर गरेर भारत ल्याइएको थियो । दिल्लीको ह्याम्स अस्प्तालमा उपचारका क्रममा उनको निधन भएपछि उनको शवलाई नेपाल लैजान तयारी भै रहेको अस्पताल स्रोतले जानकारी दिएको छ । ३ दिदीबहिनी र २ दाजुभाई मध्येका राकेश राजेश हमालसँगै काठमाण्डौंको कपुरधारामा बस्दै आएका थिए ।

**भाई राकेशसँग महानायक राजेश हमाल । फाइल तस्वीर ।**

राकेश हमालका एक श्रीमती, एक छोरा र एक छोरी छन् । राजेश हमाल, उनकी श्रीमती मधु र राकेशका परिवार एउटै घरमा बस्दै आएका थिए । शल्यक्रियाका क्रममा उनको निधन भएको अस्पताल स्रोतले जानकारी दिएको छ ।